Bu gün Naxçıvan şəhərində müxtəlif sənət növləri ilə məşğul olan ustalar, bu ustaların fəaliyyət göstərdiyi emalatxanalar çoxdur. Ara-sıra belə emalatxanalardan yolumuzu salanda son illərdə muxtar respublikada sənətə və sənətkara göstərilən diqqət və qayğının müsbət nəticələrinin şahidi olur, müxtəlif xalq sənətkarlığı növləri üzrə ərsəyə gələn sənət nümunələrinə böyük heyranlıqla tamaşa edirik. Sevindirici haldır ki, əvvəllər unudulmaqda olan xalq sənətkarlığı sahələri bu gün dirçəldilir və bu sənətlərin gələcək nəsillərə ötürülməsi üçün bir sıra işlər görülür. Naxçıvan Muxtar Respublikası Ali Məclisi Sədrinin “Naxçıvan Muxtar Respublikasında Xalq yaradıcılığı günlərinin keçirilməsi haqqında” 2009-cu il 7 fevral tarixli Sərəncamı, 2012-ci ilin Naxçıvan Muxtar Respublikasında “Milli dəyərlər ili” elan edilməsi buna parlaq sübutdur. 

Naxçıvan Muxtar Respublikası Ali Məclisinin Sədri 2015-ci ildə Naxçıvanda xalq yaradıcılığı sərgisinin açılışında çıxış edərək demişdir: “Milli dəyərləri yaşatmaq xalq tarixini yaşatmaq deməkdir. Əgər hər bir xalq öz kimliyini ortaya qoymaq istəyirsə, ilk növbədə, milli dəyərlərinə istinad etməlidir”. 
Bütün bunlar ona görə edilir ki, böyük istedada malik olan xalqımızın tarixin dərin qatlarından süzülüb gələn sənət bulaqları tükənməsin, daim çağlasın, insanlara zövq bəxş etsin. 
Ötən günlərdə yolumuzu belə ünvanlardan birinə – Naxçıvan şəhərində yerləşən xalq yaradıcılığı emalatxanasına saldıq. Qeyd edək ki, bu ünvan bir neçə sənət növü üzrə emalatxanaları özündə birləşdirir. Bura daxil olan hər kəs qaynar iş prosesinin şahidi olur. Bir otaqda xalçaçı qızların qurduğu hanalar görünür, o biri tərəfdə isə ağacoyma sənəti ilə məşğul olan ustaların dəzgahlarından çıxan səslər eşidilir. Ağacoyma ustalarının emalatxanalarından müxtəlif ağac növlərinin kəsilməsindən yaranan rayihə, boya, yapışqan qoxusu gəlir. İnsan özünü əsrlər öncəsində, qədim bir şəhərin sənətkarlıq məhəlləsində hiss edir. Bu ilk təəssürat bizdə burada görülən işlərlə maraqlanmaq, el sənətkarlarının iş prosesi ilə tanış olmaq marağı yaradır.

Emalatxanalardan birində ağac­oyma sənəti ilə məşğul olan Şahin Həsənovla qarşılaşdıq. Onunla həmsöhbət olduq. Söhbət zamanı məlum oldu ki, atası ilə birgə çalışdığı bu emalatxana onlara bir neçə il öncə dövlətimiz tərəfindən verilib. Onun bu sənətə yiyələnməsində atasının rolu böyük olub. Hazırda 31 yaşı olan Şahin 15 yaşından bu sənətlə məşğul olur. Atası Akif Həsənzadə Naxçıvanın bu sahədə ən tanınmış sənətkarlarındandır. 

Şahin ustanın dediklərindən: “Uşaq vaxtlarımda atam məni tez-tez özü ilə birlikdə iş yerinə aparardı. Hələ o vaxtlar balaca taxta parçalarının üzərində cızma-qara edərdim. Sonralar taxtadan müxtəlif fiqurlar hazırlayar, cürbəcür modellər düzəltməyə çalışardım. Zaman keçdikcə bu sənətə marağım daha da artdı, ona görə də atamla birlikdə işləməyi qərara aldım. İlk əl işimi ən əziz xatirə əşyası kimi hələ də saxlayıram”. 
Şahin usta onu da dedi ki, ağac­oyma sənəti çətin sənətdir və insandan böyük zəhmət, həvəs, dəqiqlik, ən əsası da bacarıq tələb edir. Ola bilər ki, uzun müddət bu işlə məşğul olub bütün incəlikləri öyrənəsən, ancaq əgər istedadın yoxdursa, bu sənətin zirvəsinə yüksəlmək, öz əl işlərinlə insanları heyrətləndirmək qeyri-mümkündür. Başqa sözlə, ağacdan əl işini çox adam düzəldər, ancaq az sayda insan ağacdan düzəltdiyi əşyada öz düşüncələrini, dünyagörüşünü, hər hansı bir ideyanı əks etdirə bilər. Bütün sənətlər insanları düşündürmək üçün yaranıb. Ağacoyma sənətinin də dərinliklərinə varanda görürsən ki, əlində yonduğun ağacın hər bir hissəsində bir-birinə bənzəməyən min cür naxış var. Təbiətin yaratdığı bu mükəmməl bənzərsizliyin içində əgər bu sənətlə məşğul olan usta özünü tapa bilirsə, demək, o sənətin sirli-sehrli dünyası da onun üçün sonuna qədər açılıb. Yox, əgər əlindəki ağac parçasına yalnız cansız bir əşya kimi baxılarsa, onda nə qədər üzərində zəhmət çəkilsə də, arzulanan nəticə əldə olunmayacaq. Yəni o bir ağac parçası kimi də qalacaq. Bu mənada, sənətkar bütün varlığıyla gördüyü işə, əlindəki ağac parçasının bir sənət nümunəsinə çevriləcəyinə inanmalıdır. Bax elə o zaman hər şey istədiyin kimi olacaq.
Ağac ustaya tez tabe olan, tez yonulan, tez işlənə bilən materialdır, ancaq hansı növ ağacı hansı işdə istifadə edəcəyini də bilməlisən. Hər bir ağacın öz tonu, öz ağırlığı, öz nəfəsi var. Burada təxəyyül çox söz deyir. Rənglərin sirrinə hakim olan bir ustanın əlindən çıxan sənət əsərinin uğur qazanacağı da şübhəsizdir. 
Sərgilərdə tamaşaçıların reaksiyasını izlədiyini deyən Şahin usta qeyd etdi ki, insanların ağacdan düzəltdiyi işlərə baxıb yaxşı sözlər deməsi onu çox sevindirir. O zaman hiss edir ki, bir sənətkar kimi insanlara lazımdır.
Müasir dövrdə alətlərin, boyaların da çox kara gəldiyini deyən Şahin bildirdi ki, indi bunlar sayəsində ustaların işi çox asanlaşıb. Alətlər, boyalar, yapışqanlar əlçatandır və tez tapmaq olur. Ancaq onlardan da yerində istifadə etmək lazımdır. Əgər bir boyadan həddindən artıq istifadə etsən, o iş süni alınacaq və mağazalarda satılan sənaye üsulu ilə hazırlanan əşyalardan heç nə ilə fərqlənməyəcək. Bir sözlə, ərsəyə gətirdiyin hər bir sənət nümunəsində insanın yaradıcılıq həvəsi və duyğuları öz əksini tapmalıdır. Əgər bunu bacarırsansa, demək, sənətdə hər hansı bir mərhələni adlaya bilmisən. 
Onu da qeyd edək ki, hər il ölkəmizin paytaxtı Bakı şəhərində, eləcə də xalq yaradıcılığının inkişaf etdirildiyi Lahıc və Şəkidə Şahin Həsənovun sənətkarlıq nümunələri nümayiş etdirilir. Ancaq onun sənət üfüqləri ölkəmizin sərhədləri ilə məhdudlaşmayıb. Onun əsərləri Fransada, İran İslam Respublikasında müxtəlif sənət sərgilərində nümayiş olunub. Naxçıvan Muxtar Respublikasında da təşkil edilən el şənliklərində, sərgilərdə Şahin ustanın əl işlərinə böyük maraq göstərilir. 
Milli köklərə, milli dəyərlərə qayıdış hər kəsi düşündürməlidir. Milli dəyərləri yaşatmaq xalqın tarixini yaşatmaq deməkdir. Əgər hər bir xalq öz kimliyini ortaya qoymaq istəyirsə, ilk növbədə, milli dəyərlərinə istinad etməlidir. Hər bir xalqın tarixi onun yaratdığı sənətkarlıq nümunələrində yaşayır. Xalq sənəti bəşəriyyətin ilkin yaranış dövründən başlayaraq bu günə kimi müxtəlif inkişaf mərhələləri keçib. Əl əməyi ilə hazırlanan əşyalar, məişət avadanlıqları sonralar həmin dövrlərdən xəbər verən maddi-mədəniyyət nümunələrinə çevriliblər. Bu gün Naxçıvanda milli dəyərlərimizin tərkib hissəsi olan xalq sənətkarlığı sahələrinin bərpa olunması da bu torpaqda tarixən formalaşmış zəngin tarixi-mədəni irsin yaşadılması kimi mühüm məqsədə xidmət edir. Sevindirici haldır ki, indi muxtar respublikada el sənətlərini yaşadan, xalqımızın min illər ərzində formalaşan bədii-estetik zövqünü öz əsərlərində əks etdirən gənclərimiz çoxdur. Bütün sənət növlərinə gənclərin marağının artması isə bu sahəyə göstərilən dövlət qayğısı sayəsində mümkün olub. Min illərin yadigarı olan xalq sənətkarlığı bu gün olduğu kimi, gələcəkdə də yaşadılacaq, nəsildən-nəslə qiymətli bir miras kimi ötürüləcəkdir.

Nail ƏSGƏROV

Bölmənin digər xəbərləri

Geriyə İrəli

Ermənistanda “məxməri inqilab” ölkə iqtisadiyyatına mənfi təsir göstərib

18-10-2018-15-22 Xəbərlər

Ermənistanda “məxməri inqilab” ölkə iqtisadiyyatına mənfi təsir göstərib

Ermənistanda “məxməri inqilab” ölkə iqtisadiyyatına mənfi təsir göstərib. Xarici...

Naxçıvan Musiqi Kollecinin tələbələri tarixi yerlərlə tanış olublar

18-10-2018-15-08 Xəbərlər

Naxçıvan Musiqi Kollecinin tələbələri tarixi yerlərlə tanış olublar

NUHÇIXAN xəbər verir ki, 18 oktyabr-Milli Müstəqillik Günü münasibəti ilə Naxçıv...

Azərbaycan Prezidenti İlham Əliyev İtaliya Senatı sədrinin başçılıq etdiyi nümayəndə heyətini qəbul edib - YENİLƏNİB

18-10-2018-14-47 Xəbərlər

Azərbaycan Prezidenti İlham Əliyev İtaliya Senatı sədrinin başçılıq etdiyi nümayəndə heyətini qəbul edib - YENİLƏNİB

Azərbaycan Respublikasının Prezidenti İlham Əliyev oktyabrın 18-də İtaliya Respu...

Güləşçilərimiz dünya çempionatında “İL’ Azero”nun məşq geyimlərində çıxış edəcəklər

18-10-2018-14-26 Xəbərlər

Güləşçilərimiz dünya çempionatında “İL’ Azero”nun məşq geyimlərində çıxış edəcəklər

Azərbaycan millisi oktyabrın 20-dən 28-dək Budapeştdə keçiriləcək güləş üzrə dün...

“İQLA” daşınan zenit-raket komplekslərindən döyüş atışları icra edilib

18-10-2018-14-08 Xəbərlər

“İQLA” daşınan zenit-raket komplekslərindən döyüş atışları icra edilib

Müdafiə nazirinin təsdiq etdiyi 2018-ci il üçün döyüş hazırlığı planına uyğun ol...

NASA Veneraya missiya göndərmək konsepsiyası üzərində işləyir

18-10-2018-13-55 Xəbərlər

NASA Veneraya missiya göndərmək konsepsiyası üzərində işləyir

ABŞ Milli Aviasiya və Kosmik Fəzanın Tədqiqi Agentliyi (NASA) Veneraya missiya g...

Naxçıvanda sabaha olan hava proqnozu

18-10-2018-13-28 Xəbərlər

Naxçıvanda sabaha olan hava proqnozu

Naxçıvan Muxtar Respublikasında oktyabrın 19-na gözlənilən hava proqnozu açıqlan...

“microSD” yaddaş kartına alternativ təqdim edilib

18-10-2018-12-52 Xəbərlər

“microSD” yaddaş kartına alternativ təqdim edilib

Bir gün əvvəl nümayiş etdirilmiş “Mate 20” istehsal xəttinə aid yeni smartfonlar...

Müstəqillik gününə həsr edilən rəsm sərgisi

18-10-2018-12-29 Xəbərlər

Müstəqillik gününə həsr edilən rəsm sərgisi

NUHÇIXAN xəbər verir ki, Naxçıvan Muxtar Respublikası Rəssamlar Birliyinin Bəhru...

Çin dünyanın ən iri pilotsuz nəqliyyat təyyarəsini uğurla sınaqdan keçirib

18-10-2018-12-08 Xəbərlər

Çin dünyanın ən iri pilotsuz nəqliyyat təyyarəsini uğurla sınaqdan keçirib

Çində istehsal olunan dünyanın ən iri pilotsuz nəqliyyat təyyarəsi ilk uçuş sına...

Naxçıvan daimi nümayəndəliyində görüş

18-10-2018-11-47 Xəbərlər

Naxçıvan daimi nümayəndəliyində görüş

NUHÇIXAN xəbər verir ki, Bakı şəhərində Naxçıvan Muxtar Respublikası daimi nümay...

Müstəqilliyinin 27-ci ili mübarəkdir, Vətən!

18-10-2018-11-21 Xəbərlər

Müstəqilliyinin 27-ci ili mübarəkdir, Vətən!

Səhər-səhər işə gedəndə qarşılaşdığım mənzərə istənilən azərbaycanlını qürurland...

Əhaliyə nümunəvi bank xidməti göstərilir

18-10-2018-11-02 Xəbərlər

Əhaliyə nümunəvi bank xidməti göstərilir

Mərkəzi Bankın Naxçıvan Muxtar Respublikası İdarəsinin İqtisadi təhlil və statis...

Hər bir işləyən vətəndaşın sosial sığorta haqları üzrə ödəmələri almaq hüququ var

18-10-2018-10-46 Xəbərlər

Hər bir işləyən vətəndaşın sosial sığorta haqları üzrə ödəmələri almaq hüququ var

Naxçıvan Muxtar Respublikası Dövlət Sosial Müdafiə Fondunun mətbuat xidmətindən ...

Azərbaycan Prezidenti İlham Əliyev Türkmənistan Nazirlər Kabineti Sədrinin müavinini qəbul edib

18-10-2018-10-28 Xəbərlər

Azərbaycan Prezidenti İlham Əliyev Türkmənistan Nazirlər Kabineti Sədrinin müavinini qəbul edib

NUHÇIXAN xəbər verir ki, Azərbaycan Respublikasının Prezidenti İlham Əliyev okty...

Ötən günün mənzərəsi - VİDEO

18-10-2018-10-16 Xəbərlər

Ötən günün mənzərəsi - VİDEO

NUHÇIXAN muxtar respublikamızın ictimai-mədəni, sosial-iqtisadi yeniliklərini tə...

İsrail səfiri Naxçıvanda səfərdədir - VİDEO

18-10-2018-10-10 Xəbərlər

İsrail səfiri Naxçıvanda səfərdədir - VİDEO

İsrailin ölkəmizdəki  fövqəladə və səlahiyyətli səfiri Dan Stav Naxçıvan Muxtar ...

İsrail səfiri Naxçıvanda səfərdədir - VİDEO

18-10-2018-10-00 Xəbərlər

İsrail səfiri Naxçıvanda səfərdədir - VİDEO

İsrailin ölkəmizdəki  fövqəladə və səlahiyyətli səfiri Dan Stav Naxçıvan Muxtar ...

Oktyabrın 18-də xarici valyutaların manata qarşı məzənnələri

18-10-2018-09-47 Xəbərlər

Oktyabrın 18-də xarici valyutaların manata qarşı məzənnələri

Azərbaycan Mərkəzi Bankı 18 oktyabr tarixindən etibarən valyuta məzənnələrini aç...

Ali təhsil ocağında lektoriya keçirilib

18-10-2018-09-32 Xəbərlər

Ali təhsil ocağında lektoriya keçirilib

Naxçıvan Dövlət Universitetinin Televiziya, mətbuat və ictimaiyyətlə əlaqələr bö...

Bakıda Azərbaycan və Türkmənistan Xarici İşlər nazirlikləri arasında ikitərəfli məsləhətləşmələr keçiriləcək

18-10-2018-09-16 Xəbərlər

Bakıda Azərbaycan və Türkmənistan Xarici İşlər nazirlikləri arasında ikitərəfli məsləhətləşmələr keçiriləcək

Bakıda Azərbaycan və Türkmənistan Xarici İşlər nazirlikləri arasında ikitərəfli ...

Boksçumuz Nurlan Səfərov Yeniyetmələrin III Yay Olimpiya Oyunlarında bürünc medal qazanıb

18-10-2018-09-00 Xəbərlər

Boksçumuz Nurlan Səfərov Yeniyetmələrin III Yay Olimpiya Oyunlarında bürünc medal qazanıb

Azərbaycan boksçusu Nurlan Səfərov (60 kq) Argentinanın paytaxtı Buenos-Ayresdə ...

Dövlət müstəqilliyimiz daimidir, əbədidir

18-10-2018-00-00 Xəbərlər

Dövlət müstəqilliyimiz daimidir, əbədidir

Azərbaycan xalqı XX əsrdə iki dəfə öz müstəqilliyini elan etmişdir.

120 illik yubileyi qeyd olunan İbrahim Səfiyev kimdir?

17-10-2018-20-41 Xəbərlər

120 illik yubileyi qeyd olunan İbrahim Səfiyev kimdir?

NUHÇIXAN Naxçıvan Muxtar Respublikası Ali Məclisinin mətbuat xidmətinə istinadən...

Ali Məclisin Sədri Sərəncam imzaladı

17-10-2018-20-12 Xəbərlər

Ali Məclisin Sədri Sərəncam imzaladı

Oktyabrın 17-də Naxçıvan Muxtar Respublikası Ali Məclisinin Sədri Vasif Talıbov ...

Dövlət İmtahan Mərkəzi xarici dil fənni üzrə nümunə audiomateriallar təqdim edib

17-10-2018-19-28 Xəbərlər

Dövlət İmtahan Mərkəzi xarici dil fənni üzrə nümunə audiomateriallar təqdim edib

Dövlət İmtahan Mərkəzi (DİM) gələn il keçiriləcək ümumi (9 illik) və tam (11 ill...

Güzəştli kreditlər təsərrüfatların inkişafını sürətləndirir

17-10-2018-18-59 Xəbərlər

Güzəştli kreditlər təsərrüfatların inkişafını sürətləndirir

Bu gün muxtar respublikada  kənd təsərrüfatı yönümlü  sahələrin inkişafı üçün mü...

Dünya şöhrətli alimin yubileyi Naxçıvanda qeyd olunub

17-10-2018-18-30 Xəbərlər

Dünya şöhrətli alimin yubileyi Naxçıvanda qeyd olunub

NUHÇIXAN xəbər verir ki, Azərbaycan Milli Elmlər Akademiyasının Naxçıvan Bölməsi...

Azərbaycan Milli Elmlər Akademiyasının həqiqi və müxbir üzvlərinin aylıq rütbə maaşları artırıldı - SƏRƏNCAM

17-10-2018-18-09 Xəbərlər

Azərbaycan Milli Elmlər Akademiyasının həqiqi və müxbir üzvlərinin aylıq rütbə maaşları artırıldı - SƏRƏNCAM

Oktyabrın 17-də Prezident İlham Əliyev Azərbaycan Milli Elmlər Akademiyasının hə...

Fransanın rəsmi qurumu hesabatında Naxçıvanın dövlət quruluşu və yerli idarəetməsi ilə bağlı material dərc edib

17-10-2018-16-53 Xəbərlər

Fransanın rəsmi qurumu hesabatında Naxçıvanın dövlət quruluşu və yerli idarəetməsi ilə bağlı material dərc edib

NUHÇIXAN Avropa Şurasının yerli və Regional Hakimiyyətlər Konqresinin internet p...