“Ermənistanda təkcə idarəetmədə deyil, bütün sahələrdə böhran hökm sürür” – bunu “Joxovurd” qəzetinə müsahibəsində  “Orinats Yepkir” partiyasının parlament fraksiyasının rəhbəri Ermine Bişaryan deyib.

Naxcivantv.az xəbər verir ki, deputatın sözlərinə görə, əyalətlərdə yaşayış səviyyəsi hədddindən artıq aşağı düşüb. Hətta böyük şəhərlərə belə təbii qaz verilmir, işıq isə fasilələrlə verilir. İş yerləri də olmadığı üçün əhalinin yaşayış səviyyəsi gündən-günə aşağı düşür. Bunun nətticəsində ermənilər yaşadıqları yerləri kütləvi şəkildə tərk edirlər. Kəndlərdə evlərin əksəriyyəti boşdur. İndi Ermənistan rayonları boşalmış kəndlər, tənha qocalardan ibarətdir.

“Orinats Yepkir” partiyasının parlament fraksiyasının rəhbəri Ermine Bişaryan bildirib ki, vətəndaşlar doğulduqları ölkədə  gələcəklərini görmürlər. Hakimiyyət isə sadə insanları və siyasi qüvvələri qorxudur, terrora məruz qoyur. Buna baxmayaraq ötən ildən geniş vüsət alan sosial etirazlar güclənəcək: “Ölkədə silahlı qarşıdurma ehtimalı yüksək olaraq qalır. Bunun tək günahı düzgün idarəetmə mexanizmi olmayan hakimiyyətdədir. Bu gün Ermənistanda təqiblərə məruz qalan yüzlərlə insan var.  Daim sosial-siyasi təhdid altında yaşamaq istəməyən vətəndaşlar isə ölkədən çıxıb getmək yolunu seçirlər”.

Deputatın fikrincə, miqrasiyanın qarşısını almağın üç yolu var. Ölkənin gələcəyinə olan inamı bərpa etmək, vergi siyasətində radikal dəyişiklik aparmaq, həmçinin yeni iş yerlərinin yaradılması. Bunlar isə Ermənistanın indiki vəziyyətində mümkün deyil. Hakimiyyətdə olan və indi hakimiyyətə can atan bütün qüvvələr erməni xalqının haqqını yemiş, onu dəfələrlə aldatmış insanlardır. Ona görə də Ermənistanda  xalqın hakimiyyətə inamı qalmayıb. Ermənistanı bu vəziyyətdən çıxaracaq nə prezidenti var, nə də ki bu posta real namizəd.

Baloğlan Kərimov
NTVxəbər

Twitter

• < Geri
• İrəli >