Bizim nəslin gəncliyi Vətənimiz Azərbaycanın başı üzərini dumanların aldığı 90-cı illərə təsadüf edir. Həmin vaxt Naxçıvan taleyin ümidinə buraxılmış miskin obanı xatırladırdı.

Gecələri zülmət, gündüzləri isə ümidsizlik… Blokadanın ağırlığı, üstəlik mənfur ermənilərlə sərhəddə gedən döyüşlərin nigarançılığı da bir tərəfdən…

Yaxşı xatırlayıram ki, o döyüşlərə gedən oğullarımızın əllərindəki silahlar əsasən kiçik çaplı avtomatlar, bir də ov tüfəngləri idi.  Amma ürəklərinin atəşi ən dağıdıcı silahlardan belə uzağa gedəcək qədər güclü idi. Naxçıvanı işğal olunmaq təhlükəsindən qoruyan əsas  amil də məhz elə vətən uğrunda göz qırpmadan  ölümə gedənlərin fədakarlığı idi. Sədərəkdə və başqa döyüş bölgələrində qurban verdiyimiz şəhidlərlə yanaşı, Kərki, Günnüt kimi kəndlərimiz də düşmən nəzarətinə keçdi. Ötən illərin hər günü, hər anını o yurd yerlərinin həsrəti ilə yaşadıq.

Ötən 25 ildə Naxçıvan yaşadı, var oldu,  çiçəklənən, inkişaf edən bir diyar kimi özünü təsdiq etməyi bacardı. Qaranlıqdan işığa çıxmağın, tənəzzüldən yüksəlişə qalxmağın nümunəsini yaratdı. Buna paralel olaraq ordumuz da qüdrətləndi, 90-cı illərdən ürəyimizdə qalan torpaq nisgili yavaş-yavaş öz yerini sevinclərə verməyə başladı. Lələtəpədən, Cocuq Mərcanlıdan sonra, bu dəfə Günnütlə qürurlandıq.

Səmimi deyim ki, 90-cı illərin gəncləri üçün Günnüt qələbəsinin bir başqa anlamı var. Çünki onların ürəyindəki torpaq həsrəti düz 26 ilin ayrılığı idi. O torpaqlara ayaq basmaq arzusu onların hamısının ən ali istəyi idi. Sevinirəm ki, bu həyati istəyi reallaşanlardan biri də mən oldum. İşğaldan azad olunmuş Günnüt və ətraf ərazilərə ayaq basmaq şərəfini yaşadım. Bu şərəfi isə bizə Azərbaycan ordusunun Naxçıvandakı Əlahiddə Ümumqoşun Ordusu yaşatdı. Bir də sadəcə bu yurdun iqbalı üçün çalışan rəhbər dəyanəti.

 …Biz Günnütə iyunun 8-i səhər erkəndən yol alacaqdıq. Naxçıvan televiziyası 26 il sonra Şərurun Günnüt kəndindən ilk reportajını yayımlayacaq və bu qələbə xəbərini hamıdan birinci bütün dünyaya çatdıracaqdı. O gecə yaşadığım sevinci sözlə ifadə etmək çətindir. Həmin axşam yuxuda zəhər dişi çəkilmiş və qarnı yarılmış gürzə ilanlar gördüm. Dedilər  ki, düşməndi, bu da təbiidi. Çünki düşmənlə üz-üzə yerləşən mövqelərimizə gedirdik. Və o,  düşmən indi məhz yuxuda gördüyüm zəhər dişi çəkilmiş ilanları xatırladırdı.

Qeyd edim ki, məsləyim gərəyi Naxçıvanı demək olar ki, qarış-qarış gəzmişəm. Günnütə uzanan yol xaric. Burada dağların, dərələrin rəngi, bir-biri ilə kəsişməsi tamamilə fərqlidir. Buradakı təbiət başqa yerdə təkrarlanmır.

Bu yolda dağlar bir-birinə arxa söykəyib, sanki düşmənə sipər olmaq istəyiblər. Bir qədər yuxarı qalxdıqda isə dağların başında göz işlədikcə uzanan yaşıl düzənlikləri görürsən. Məlumat aldıq ki, əvvəlki mövqelərimiz bu yerlərdən çox-çox geridə olub. İndi isə demək olar ki, Ermənistanla Sovetlər Birliyi dönəmində olan sərhəddə qədər ərazilərimizin çoxu ordumuzun nəzarəti altındadır. Əldə edilən qələbənin miqyasını görmək üçün sadəcə bu yerdə olmaq kifayət idi. Düşünəndə ki, bu geniş otlaqlar, əkinəyararlı torpaqlar, Naxçıvanın dilbər guşələri 26 il tapdaq altında olub məsələnin mahiyyətini dərindən dərk edirsən. İndi vətəndən çox-çox uzaqda oturub onun sevincinə şərik çıxmaq bir tərəfə, qələbəsinə şübhə edən insanların fərziyyələri, bu mühüm hərbi uğurumuzu şübhə altına alacaq açıqlamaları məhz o torpaqlarda olduğum üçün mənə çox gülünc görünür.

Tarixçi və etnoqrafların fikrincə, Günnüt toponimi son bahar yaşıllığı, payız otlağı anlamına gəlir. Amma mən Günnütdə son bahar yaşıllığı deyil, heç vaxt solmayacaq bahar rəngləri gördüm. Bu rənglər Günnütə Azərbaycan əsgəri ilə birgə qədəm qoyub və beləcə bu yurdun bitməyən baharı başlayıb.

Mən əsgərlərimizin yanında çox olmuşdum. Amma düşmənin bir addımlığında yerləşən döyüş mövqelərində, döyüş səngərlərində ilk dəfə idi ki, olurdum. Ön mövqelərdə yeni qazılan səngərlərdə, düşməndən azad edilən postlarda dayanan igidlərin hər biri sözün həqiqi mənasında vətən sevgisinin timsalı idi. O üzlərdə sadəcə səbr, dəyanət, təmkin, özünəəminlik, düşmənə meydan oxumaq cəsarəti oxunurdu. Onlar düşmən demədən, yağış demədən, isti demədən, tufan demədən, boran demədən irəliləmişdilər. İndi onlar ən hündür mövqeni- “Qızılqaya” yüksəkliyini düşməndən azad edib onun zirvəsindən Dərələyəz mahalının Arpa kəndinə,  İrəvan-Xankəndi yoluna nəzarət edirlər. İllər, zaman ötəcək bu əsgərlər bu yerlərin tarixinə çevriləcəklər. Günnütün qurtarıcıları, xilaskarları kimi həmişə şövqlə xatırlanacaqlar. Elə Günnüt əməliyyatında şəhid  olan Adil Tatarov kimi.  Onun şəhid olduğu  mövqedə post quran əsgərlərimiz qəhrəmanımızın adını da əbədiləşdirməyi unutmayıblar. Hərbi mövqelərimizin sırasına son günlər biri də əlavə edilib – “Tatar postu”…

Həqiqətən də bu yerdə ölüm qorxusu da anlamını itirir.  Bir addımlığında dayansa da, meydan oxuyursan ona. Düşmənlə üz-üzə dayanan çəkiliş qrupumuzu da tərk etmişdi bu hiss. Buna səbəb yanımızda sıralanan Azərbaycan əsgəri, əsgərlərimizin simasında kök salan qətiyyət idi.

Günnüt xarabalıqlarına baxanda  26 il öncəyə qayıtdım.

1992-ci ildə məcburən Günnütü tərk edib Mahmudkəndə sığınan Vəli müəllim deyir ki, bu torpaq bərəkətin özü idi. Kolxoz vaxtı əmək gününə 16 kiloqram taxıl bölürdük. 32 evlik kənddə 250 arı ailəsi var idi. Burada əkilən noxudun, mərciməyin məhsuldarlığı çox yüksək idi. Demyə əkinçiliyi, maldarlıq üçün şərait əla idi.

Bu, Vəli müəllimin yaddaşında ilişib qalan Günnütün keçmişidi. Mən isə bu yurdun gələcəyini təsəvvür etmək üçün çətinlik çəkmirəm. Çünki düşmən əlindəki 11 min hektar vətən torpağını qaytaran, 26 ildir ki, cığırları itən Günnütə yol çəkən qüdrət bu yurd yerini yenidən güllü-gülüstana çevirməkdə də çətinlik çəkməyəcək. Beləcə, regionun ən güclü ordusunun buraya gətirdiyi yeni nəfəs Günnütün əsrarəngiz yaz  rənglərində əbədi yaşayacaq. Bir də, təsəvvürlərimdə asfalt döşənmiş dağ yolları və ətrafında sıralanan yaşıllıqlar, uşaqların yıxıla- dura Günnüt məktəbinə doğru irəliləməsi canlandı…

 O günə çox qalmayıb…

                                                         Lalə Hüseynova

Naxçıvan televiziyasının baş redaktoru

HÜQUQ GUŞƏSİ

HÜQUQ GÜŞESİ

Bölmənin digər xəbərləri

Geriyə İrəli

Şərur rayonunda icbari tibbi sığortanın tətbiqi ilə bağlı tədbir keçirilib

22-05-2019-19-15 Xəbərlər

Şərur rayonunda icbari tibbi sığortanın tətbiqi ilə bağlı tədbir keçirilib

Naxçıvan Muxtar Respublika Səhiyyə Nazirliyinin mətbuat xidmətindən NUHÇIXAN-a v...

Ali təhsil ocağında Soltan Hacıbəyovun 100 illiyi qeyd edilib

22-05-2019-18-52 Xəbərlər

Ali təhsil ocağında Soltan Hacıbəyovun 100 illiyi qeyd edilib

Naxçıvan Dövlət Universitetinin Televiziya, mətbuat və ictimaiyyətlə əlaqələr bö...

“Günnüt zəfəri” - VİDEO

22-05-2019-18-17 Xəbərlər

“Günnüt zəfəri” - VİDEO

2018-ci ilin may ayında Azərbaycan Ordusunun Naxçıvan istiqamətində həyata keçir...

Naxçıvanda sabaha olan hava proqnozu

22-05-2019-18-00 Xəbərlər

Naxçıvanda sabaha olan hava proqnozu

Naxçıvan Muxtar Respublikasında mayın 23-nə gözlənilən hava proqnozu açıqlanıb. ...

"Nakchivan Colour day-2019" keçiriləcək - VİDEO

22-05-2019-17-43 Xəbərlər

"Nakchivan Colour day-2019" keçiriləcək - VİDEO

NUHÇIXAN xəbər verir ki, iyunun 16-da Nəqşicahan holdinq şirkətlər qrupunun nəzn...

Tibb kollecinin tələbələri Türkiyədə təcrübə kursu keçiblər

22-05-2019-17-06 Xəbərlər

Tibb kollecinin tələbələri Türkiyədə təcrübə kursu keçiblər

Naxçıvan Muxtar Respublikası Səhiyyə Nazirliyinin mətbuat xidmətindən NUHÇIXAN-a...

Operativ vergi nəzarəti tədbirləri görülür

22-05-2019-15-02 Xəbərlər

Operativ vergi nəzarəti tədbirləri görülür

Naxçıvan Muxtar Respublikası Vergilər Nazirliyinin  mətbuat xidmətindən NUHÇIXAN...

Naxçıvanda iftar süfrəsi açılıb - FOTOLAR

22-05-2019-11-48 Rəsmi

Naxçıvanda iftar süfrəsi açılıb - FOTOLAR

Azərbaycan Respublikasının Prezidenti cənab İlham Əliyev deyib: “Orucluq mərasim...

Новости Нахчывана - VİDEO

22-05-2019-11-00 Xəbərlər

Новости Нахчывана - VİDEO

Агентство «НУХЧЫХАН» представляет важные события, прошедшие в Автономной Республ...

Ötən günün mənzərəsi - VİDEO

22-05-2019-10-11 Xəbərlər

Ötən günün mənzərəsi - VİDEO

NUHÇIXAN muxtar respublikamızın ictimai-mədəni, sosial-iqtisadi yeniliklərini tə...

“Buta” muğam ansamblının Ordubad rayonunda konserti olub

22-05-2019-09-19 Xəbərlər

“Buta” muğam ansamblının Ordubad rayonunda konserti olub

Naxçıvan Muxtar Respublikası Mədəniyyət Nazirliyinin mətbuat xidmətindən NUHÇIXA...

Tibb işçiləri maarifləndiriliblər

21-05-2019-19-02 Xəbərlər

Tibb işçiləri maarifləndiriliblər

Fövqəladə Hallar Nazirliyinin mətbuat xidmətindən NUHÇIXAN-a verilən xəbərə görə...

Elmi konfransda 70 -ə qədər gənc tədqiqatçı iştirak edib

21-05-2019-18-42 Xəbərlər

Elmi konfransda 70 -ə qədər gənc tədqiqatçı iştirak edib

NUHÇIXAN xəbər verir ki, Naxçıvan Müəllimlər İnstitutunda doktorant və magistran...

Dövlət qulluqçularının iştirakı ilə seminar keçirilib

21-05-2019-18-15 Xəbərlər

Dövlət qulluqçularının iştirakı ilə seminar keçirilib

NUHÇIXAN xəbər verir ki, Naxçıvan Muxtar Respublikası Ali Məclisinin Sədri yanın...

Naxçıvanda ənənəvi “Göycə” Festivalı keçiriləcək

21-05-2019-17-41 Xəbərlər

Naxçıvanda ənənəvi “Göycə” Festivalı keçiriləcək

NUHÇIXAN xəbər verir ki, iyunun 1-i və 2-də “Naxçıvanqala” Tarix-Memarlıq Muzey ...

Naxçıvan Muxtar Respublikası Ali Məclisində təltif və mükafatların təqdimatı olub - FOTOLAR

21-05-2019-17-07 Rəsmi

Naxçıvan Muxtar Respublikası Ali Məclisində təltif və mükafatların təqdimatı olub - FOTOLAR

Mayın 21-də Azərbaycan Respublikası medallarının, Naxçıvan Muxtar Respublikasını...

Gənc rəssamlar Naxçıvanın mənzərələrini çəkiblər

21-05-2019-16-06 Xəbərlər

Gənc rəssamlar Naxçıvanın mənzərələrini çəkiblər

NUHÇIXAN xəbər verir ki, ümumtəhsil məktəblərinin şagirdləri arasında Naxçıvan M...

Şahbuz Rayon Xalq Teatrı yeni tamaşa hazırlayıb

21-05-2019-15-21 Xəbərlər

Şahbuz Rayon Xalq Teatrı yeni tamaşa hazırlayıb

Naxçıvan Muxtar Respublikası Mədəniyyət Nazirliyinin mətbuat xidmətindən NUHÇI...

Nakhchivan news - VİDEO

21-05-2019-13-30 Xəbərlər

Nakhchivan news - VİDEO

Nakhchivan State Television presented weekly news program in English, highlighti...

Naxçıvanlı tələbələr Türkiyədə təcrübə kursu keçiblər

21-05-2019-12-21 Xəbərlər

Naxçıvanlı tələbələr Türkiyədə təcrübə kursu keçiblər

Naxçıvan Dövlət Universitetinin Televiziya, mətbuat və ictimaiyyətlə əlaqələr bö...

Culfada Kamera Orkestrinin konserti olub

21-05-2019-12-04 Xəbərlər

Culfada Kamera Orkestrinin konserti olub

Naxçıvan Muxtar Respublikası Mədəniyyət Nazirliyinin mətbuat xidmətindən NUHÇIXA...

Naxçıvan Dövlət Musiqili Dram Teatrı Qarsda “Ölülər və dəlilər”i təqdim edəcək

21-05-2019-11-47 Xəbərlər

Naxçıvan Dövlət Musiqili Dram Teatrı Qarsda “Ölülər və dəlilər”i təqdim edəcək

Azərbaycanın Qarsdakı Baş konsulluğunun təşkilatçılığı ilə Cəlil Məmmədquluzadə ...

Naxçıvanda sabaha olan hava proqnozu

21-05-2019-10-54 Xəbərlər

Naxçıvanda sabaha olan hava proqnozu

Naxçıvan Muxtar Respublikasında mayın 22-nə gözlənilən hava proqnozu açıqlanıb. ...

Ötən günün mənzərəsi - VİDEO

21-05-2019-10-37 Xəbərlər

Ötən günün mənzərəsi - VİDEO

NUHÇIXAN muxtar respublikamızın ictimai-mədəni, sosial-iqtisadi yeniliklərini tə...

Naxçıvanda informasiya və rabitə xidmətlərinin dəyəri artıb

21-05-2019-10-06 Xəbərlər

Naxçıvanda informasiya və rabitə xidmətlərinin dəyəri artıb

Naxçıvan Muxtar Respublikası Dövlət Statistika Komitəsinin mətbuat xidmətindən N...

Naxçıvanda ümumi daxili məhsul istehsalı artıb

21-05-2019-09-32 Xəbərlər

Naxçıvanda ümumi daxili məhsul istehsalı artıb

Naxçıvan Muxtar Respublikası Dövlət Statistika Komitəsinin mətbuat xidmətindən N...

Naxçıvan Muxtar Respublikasının əhalisinin sayı açıqlanıb

21-05-2019-09-15 Xəbərlər

Naxçıvan Muxtar Respublikasının əhalisinin sayı açıqlanıb

Naxçıvan Muxtar Respublikası əhalisinin sayında artım baş verib.

Ali Məclisin Sədri yaradıcılıq ittifaqları və birliklərinə vəsait ayırdı - SƏRƏNCAM

20-05-2019-19-51 Rəsmi

Ali Məclisin Sədri yaradıcılıq ittifaqları və birliklərinə vəsait ayırdı - SƏRƏNCAM

Naxçıvan Muxtar Respublikası Ali Məclisinin Sədri Vasif Talıbov mayın 20-də Yara...

“Ehsan xan Kəngərli” tamaşası Şərur rayonunda göstərilib

20-05-2019-18-45 Xəbərlər

“Ehsan xan Kəngərli” tamaşası Şərur rayonunda göstərilib

NUHÇIXAN xəbər verir ki, Cəlil Məmmədquluzadə adına Naxçıvan Dövlət Musiqili Dra...

“Büdcə anlayışı” layihəsi çərçivəsində ilk təlim keçirilib

20-05-2019-18-23 Xəbərlər

“Büdcə anlayışı” layihəsi çərçivəsində ilk təlim keçirilib

NUHÇIXAN xəbər verir ki, Naxçıvan Muxtar Respublikası Maliyyə Nazirliyi yanında ...