Muzey bələdçiləri üçün seminar-treninqlər davam etdirilir

Naxcivantv.az xəbər verir ki, növbəti seminar-treninq Sədərək rayonunda keçirilib.Naxçıvan Muxtar Respublikası Mədəniyyət və Turizm Nazirliyinin mədəni irs və muzey işi üzrə baş məsləhətçisi Qumral Məmiyeva “Muzey bələdçisinin davranış qaydaları” mövzusunda çıxış edib.

Bildirilib ki, seminar-treninq­lərin keçirilməsində əsas məqsəd muzey bələdçilərini muxtar respublikanın müxtəlif bölgələrində yerləşən muzeylərlə tanış etmək, ekskursiya işinin təşkili ilə bağlı mövcud nöqsan və çatışmazlıqları aradan qaldırmaq, bələdçilərin nəzəri və praktiki bacarığını yüksəltməkdir. Vurğulanıb ki, muzey bələdçiləri verilən suallara ətraflı cavab verməli, etik qaydalara əməl etməli, muzeyə gələnlərdə xoş təəssürat yaratmalıdır. Hər bir ziyarətçiyə diqqətlə və nəzakətlə yanaşılmalı,  onların sualları diqqətlə dinlənilib, elmi əsaslarla cavablandırılmalıdır.  Sonra muzey bələdçisi İsmayıl Tağıyevin  muzeyindəki eksponatlarla iştirakçıları tanış edib.

      Sonda ekskursiya müzakirə edilib, bələdçi mətninə və etik davranış qaydalarına dair metodik tövsiyələr verilib. Bələdçiləri maraqladıran suallar cavablandırılıb.

Röyal Kərimov

NTV xəbər

Twitter

• < Geri
• İrəli >