Uşaqlar bizlərin, xalqımızın və dövlətimizin gələcək davamçıları və varisləridir.

Məhz bu baxımdan hər bir dövlət və cəmiyyət gələcəyini sağlam təməllər üzərində  qurmaq üçün  uşaqların qayğısına qalmağı, onların fiziki və mənəvi cəhətdən sağlam böyüməsini təmin etməyi özünün ən mühüm vəzifələrindən biri hesab edib. 

Bu gün respublikamızda da uşaqların sağlam və gümrah böyümələri, onların Vətənə layiqli övlad kimi yetişməsi, mükəmməl təhsil almaları dövlətin daim diqqət mərkəzində saxladığı prioritet məsələlərdəndir.

Naxçıvan Muxtar Respublikasında uşaqlara hərtərəfli diqqət və qayğı göstərilir. Onların təhsili, sağlamlıqlarının qorunması, istedadlarının üzə çıxarılması, intellektual və mənəvi inkişafı, asudə vaxtının və tərbiyəsinin düzgün təşkili, cəmiyyətin ictimai-mədəni həyatındakı iştiraklarını təmin etmək məqsədilə mühüm tədbirlər həyata keçirilir. Xüsusi qayğıya ehtiyacı olan uşaqlar da daim diqqət mərkəzində saxlanılır, sosial müdafiələrinin gücləndirilməsi istiqamətində bir sıra işlər görülür, bayram günlərində və əlamətdar günlərdə onların görüşlərinə gedilir, hədiyyələr verilir,  problemləri araşdırılaraq həll olunur, zəruri ehtiyacları təmin olunur. Xüsusi qayğıya ehtiyacı olan uşaqlar üçün görülən işlərdən biri də onların asudə vaxtlarının səmərəli keçməsi məqsədilə təşkil olunan “Yay məktəbi” olub.

Naxçıvan Muxtar Respublikası Ali Məclisinin Sədri yanında Bilik Fondunun təşkilatçılığı, Naxçıvan Muxtar Respublikasının Ailə, Qadın və Uşaq Problemləri üzrə Dövlət Komitəsi və Həmkarlar İttifaqları Şurasının iştirakı ilə Ağbulaq İstirahət Mərkəzində aztəminatlı ailələrdən olan uşaqlar üçün təşkil olunan üç günlük “Yay məktəbi” başa çatıb. Ağbulaq İstirahət Mərkəzində təşkil olunan “Yay məktəbi”ndə aztəminatlı ailələrdən olan uşaqlar, o cümlədən qaçqın və məcburi köçkün, şəhid ailələrinin uşaqları, hər iki valideynini itirmiş və valideyn himayəsindən məhrum olmuş, tək valideyn himayəsində yaşayan uşaqlar olmaqla, ümumilikdə 45 uşaq iştirak edib.

2019-cu il 28 iyun tarixdə başlayaraq iyul ayının 1-də başa çatan, Ağbulaq İstirahət Mərkəzində təşkil olunan “Yay məktəbi”ndə iştirak edən uşaqlardan bir neçəsi ilə həmsöhbət olduq və onların bu gəzinti haqqındakı fikirlərini öyrəndik. Uşaqlardan ilk olaraq Ordubad şəhər M.Füzuli adına tam orta internat məktəbinin 8-ci sinif şagirdi, valideyn himayəsindən məhrum Ural Əmirovun fikirlərini öyrəndik. O, bildirdi ki, mənə və qardaşıma daim dövlətimiz tərəfindən diqqət və qayğı göstərilir. Artıq bundan neçənci dəfədir ki, qardaşımla birlikdə “Yay məktəbi”ndə iştirak edirəm. Burda olmağı çox sevirəm. Çünki vaxtımız burda əyləncəli və maraqlı keçir. Ağbulağın təbiətindən, yaşıllığından, təmiz havasından zövq alırıq. Burada maraqlı oyunlar oynayır, keçirilən müsabiqələrdə və yarışlarda həvəslə iştirak edirik. Həmçinin qeyd etdi ki, istirahət müddətində keçirilən müsabiqələrdə və oyunlarda fəal iştirak etdiyinə görə qardaşı Əmirov Uran diplomla təltif olunub.

Digər həmsöhbətimiz Şərur şəhər 1 nömrəli tam orta məktəbin 2-ci sinif şagirdi, şəhid övladı Nuray Cəfərli oldu. Nuray ilk dəfə idi ki, “Yay məktəbi”ndə iştirak edirdi. O fikirlərini bizimlə bölüşərkən çox sevincli və həyəcanlı idi. Nuray dedi:

Mən burda ilk dəfə iştirak edəcəyim üçün əvvəl nə olduğunu tam olaraq bilmirdim. Amma bu üç gün mənim üçün çox maraqlı oldu. Özümə yeni dostlar qazandım, onlarla maraqlı oyunlar oynadıq, müsabiqələrdə iştirak etdik, qızlarla birlikdə ip oynadıq. Ən çox xoşladığım isə stolüstü tennis oynamaq oldu. Bundan sonra hər il belə yay məktəblərində iştirak etmək istəyərəm.

Tətildən razı qalanlardan biri də Culfa rayon Bənəniyar kənd tam orta məktəbinin 9-cu sinif şagirdi, aztəminatlı ailədən olan Xeyrənsə Məhərrəmova idi. Xeyrənsə də “Yay məktəbi”ndə ilk dəfə iştirak edirdi. O bildirdi ki, bura o ailəsi ilə birlikdə də gəlib, lakin dostları ilə burda olmaq daha maraqlıdır. Xeyrənsə dedi:

Biz burda hamımız birlikdə maraqlı oyunlar oynayırıq, müsabiqələrdə iştirak edirik, tarixi kinolara baxırıq və istirahətimiz maraqlı keçir. Ayrı-ayrılıqda nəyi daha çox xoşladığımı deyə bilmərəm, çünki burada hər şey, bizlər üçün yaradılan şərait çox gözəldir. Mən bütün bunlara görə dövlətimizə öz adımdan və ailəm adından minnətdarlığımı bildirmək istəyirəm.

Naxçıvan şəhər 16 nömrəli tam orta məktəbin 3-cü sinif şagirdi, qaçqın ailəsindən olan Aytac İmamquliyeva da bizimlə öz “Yay məktəbi”ndəki xatirələrini bölüşdü. Aytac dedi:

Bizim istirahətimiz çox yaxşı keçdi. İstirahət müddətində özümüzə yeni dostlar qazandıq, onlarla maraqlı oyunlar oynadıq. Bizə istirahət müddətində çox dadlı yeməklər verilirdi. Həmçinin nəzarətçi müəllimələrimiz bizə çox yaxşı, mehriban davranır, hər qayğımıza qalırdılar. Bu “Yay məktəbi”ndə biz bolluca istirahət etdik və bu istirahətin nəticəsində biz yeni dərs ilinə daha açıq beyinlə, parlaq zəkayla başlayacağıq. Mənim bir qardaşım da var. Mən burda olan xatirələrimi qardaşıma danışdım və gələn səfər oda burada iştirak etməyi çox istəyir.

Digər həmsöhbətimiz isə Naxçıvan şəhər 14 nömrəli tam orta məktəbin 4-cü sinif şagirdi, valideyn himayəsindən məhrum Hicran Ağayev oldu. Hicranı ən sevindirən məqam isə “Yay məktəbi”nin digər bir iştirakçısı olan Eminlə tanış olub dost olması idi. O bildirdi ki, dostu Eminlə birlikdə gün ərzində maraqlı məşğələlərdə iştirak edirlər, hər səhər yuxudan oyanıb səhər idmanı edirlər, digər oğlanlarla birlikdə futbol oynayırlar, gəzintiyə çıxırlar.

Daha sonra isə Ordubad şəhər M.Füzuli adına tam orta internat məktəbinin 7-ci sinif şagirdi, ata himayəsində yaşayan Emin Mirzəyevlə danışdıq. Emin dedi:

Mən də bütün yoldaşlarım kimi burada olmağıma çox sevinirəm. İstirahətimiz çox gözəl və səmərəli keçir. Biz burada həm doyunca dincəlirik, həm də öyrənirik. Bizə nəzarətçi müəllimlərimiz mütaliə saatında “Oxunması zəruri olan kitablar”dan verirdilər. Mən Cəlil Məmmədquluzadənin “Hekayələr” kitabından bir qədər oxudum və bir çox məlumatlar öyrəndim. Eyni zamanda mənim idmana da həvəsim var. Buna görə də orada oynadığımız idman oyunlarını da çox həvəslə və sevinərək oynadım.

Kəngərli rayon Xok kənd tam orta məktəbinin 7-ci sinif şagirdi, aztəminatlı ailədən olan Zaman İsayev də dostları ilə eyni fikirdə idi. Zaman bildirdi ki, o da “Yay məktəbi”ndə ilk dəfə iştirak edən uşaqlardandır. O, vatının çox əyləncəli və səmərəli keçdiyini dedi. Zaman bizə istirahət müddətində iştirak etdiyi oyun və əyləncələrlə yanaşı, həm də bildirdi ki, “Vətən mənim üçün əziz və müqəddəsdir” mövzusunda keçirilən esse müsabiqəsində də iştirak edib və diplomla təltif olunub. Həmçinin o, bütün bu xatirələrini dostlarına, ailəsinə və sinif yoldaşlarına danışacağı üçün də çox sevincli idi.

Uşaqlarla görüşümüzün yekununda belə bir qənaətə gəldik ki, bu ilki yay məktəbi istər fiziki, istərsə də mənəvi və psixoloji baxımdan uşaqların hər birinin yaddaşına gözəl xatirə kimi dərin izlər buraxmışdır. Bütün bunları, necə şən və xoş əhval-ruhiyyədə olduqlarını onlarla söhbətimiz zamanı gözlərindən oxumaq olurdu.

Həmsöhbət olduğumuz və digər uşaqlar, həmçinin onların valideynləri, himayədər və qəyyumları da istər uşaqları yola salarkən, istərsə də qarşılayarkən uşaqlara göstərilən bu qayğıdan öz razılıqlarını ifadə edərək, dövlətimizə bu diqqət və qayğıya görə öz dərin minnətdarlıqlarını bildirdilər.

Naxçıvan Muxtar Respublikasının Ailə, Qadın və Uşaq Problemləri üzrə Dövlət Komitəsinin mətbuat xidməti

HÜQUQ GUŞƏSİ

HÜQUQ GÜŞESİ

Bölmənin digər xəbərləri

Geriyə İrəli

Ölkənin tanınmış stomatoloqları Naxçıvana toplaşıb

14-12-2019-17-31 Xəbərlər

Ölkənin tanınmış stomatoloqları Naxçıvana toplaşıb

NUHÇIXAN xəbər verir ki,  “Azərbaycanın regionlarında stomatologiyanın inkişaf p...

Mütaliə ruhun qidasıdır

14-12-2019-16-05 Xəbərlər

Mütaliə ruhun qidasıdır

NUHÇIXAN xəbər verir ki, “Naxçıvan” Universitetinin Elmi Kitabxanasında M.S.Ordu...

Naxçıvanda sabaha olan hava proqnozu

14-12-2019-14-01 Xəbərlər

Naxçıvanda sabaha olan hava proqnozu

Naxçıvan Muxtar Respublikasında dekabrın 15-nə gözlənilən hava proqnozu açıqlanı...

Elektrik enerjisindən qanunsuz istifadə edən şəxslər saxlanılıb

14-12-2019-13-32 Xəbərlər

Elektrik enerjisindən qanunsuz istifadə edən şəxslər saxlanılıb

NUHÇIXAN xəbər verir ki, Rayon Polis Şöbəsinin əməkdaşları Şərur şəhər Sabir küç...

Tailandlı bloqqer: “Əlincəqala Qafqazın Macchi-Pichusudur” - VİDEO

14-12-2019-12-55 Xəbərlər

Tailandlı bloqqer: “Əlincəqala Qafqazın Macchi-Pichusudur” - VİDEO

Tailand vətəndaşı, bloqqer Petch Packer muxtar respublikaya səfər edib.

İnformasiya və rabitə sahəsinin inkişafı təmin edilib

14-12-2019-11-59 Xəbərlər

İnformasiya və rabitə sahəsinin inkişafı təmin edilib

NUHÇIXAN xəbər verir ki, Muxtar respublikada iqtisadi və sosial həyatın bütün sa...

Ötən günün mənzərəsi - VİDEO

14-12-2019-11-28 Xəbərlər

Ötən günün mənzərəsi - VİDEO

NUHÇIXAN muxtar respublikamızın ictimai-mədəni, sosial-iqtisadi yeniliklərini tə...

Naxçıvan bölməsinə hədiyyə edilən kitabların təqdimatı olub

14-12-2019-09-29 Xəbərlər

Naxçıvan bölməsinə hədiyyə edilən kitabların təqdimatı olub

NUHÇIXAN xəbər verir ki, Naxçıvan Muxtar Respublikası Mədəniyyət Nazirliyi tərəf...

Ermənistanın Naxçıvanla sərhəd rayonlarında doğum səviyyəsi və əhali sayı kəskin azalıb

13-12-2019-18-01 Xəbərlər

Ermənistanın Naxçıvanla sərhəd rayonlarında doğum səviyyəsi və əhali sayı kəskin azalıb

NUHÇIXAN xəbər verir ki, dərin iqtisadi böhran nəticəsində işğalçı Ermənistanın ...

Naxçıvan Dövlət Universiteti payız semestrinin imtahan sessiyasına hazırdır

13-12-2019-17-21 Xəbərlər

Naxçıvan Dövlət Universiteti payız semestrinin imtahan sessiyasına  hazırdır

NUHÇIXAN xəbər verir ki, Naxçıvan Dövlət Universitetində 2019-2020-ci tədris ili...

Naxçıvan televiziyası 3 dildə yeni film hazırlayıb - VİDEO

13-12-2019-15-25 Xəbərlər

Naxçıvan televiziyası 3 dildə yeni film hazırlayıb - VİDEO

NUHÇIXAN xəbər verir ki, Naxçıvan televiziyası Naxçıvanın yeni tanıtım filmini h...

“Naxçıvan” Universitetində seminar-treninq keçirilib

13-12-2019-14-42 Xəbərlər

“Naxçıvan” Universitetində seminar-treninq keçirilib

NUHÇIXAN xəbər verir ki, Naxçıvan Universitetində “Huawei” şirkəti tərəfindən nö...

İctimai şuralar sabitliyin qorunmasında fəaldırlar

13-12-2019-13-04 Xəbərlər

İctimai şuralar sabitliyin qorunmasında fəaldırlar

NUHÇIXAN xəbər verir ki, Naxçıvan Şəhər Polis İdarəsi Əliabad qəsəbəsində ictima...

Tibb bacılarının sertifikasiya imtahanı başa çatıb

13-12-2019-12-22 Xəbərlər

Tibb bacılarının sertifikasiya imtahanı başa çatıb

Naxçıvanda keçirilən sertifikasiya imtahanlarının növbəti mərhələsində tibb bacı...

Ulu Öndərin əziz xatirəsi muxtar respublikanın bütün rayonlarında böyük hörmətlə anılıb

13-12-2019-12-09 Xəbərlər

Ulu Öndərin əziz xatirəsi muxtar respublikanın bütün rayonlarında böyük hörmətlə anılıb

Ölkəmizin hər yerində olduğu kimi, Şərur rayon sakinləri də dekabrın 12-də ulu ö...

Ötən günün mənzərəsi - VİDEO

13-12-2019-10-53 Xəbərlər

Ötən günün mənzərəsi - VİDEO

NUHÇIXAN muxtar respublikamızın ictimai-mədəni, sosial-iqtisadi yeniliklərini tə...

Naxçıvan təmsilçisi yaradıcılıq müsabiqəsində uğurla çıxış edib

12-12-2019-17-41 Xəbərlər

Naxçıvan təmsilçisi yaradıcılıq müsabiqəsində uğurla çıxış edib

NUHÇIXAN xəbər verir ki, sağlamlıq imkanları məhdud şəxslərin VIII Ümumrespublik...

Ali Məclisin Sədri Sərəncam imzaladı

12-12-2019-15-56 Rəsmi

Ali Məclisin Sədri Sərəncam imzaladı

Naxçıvan Muxtar Respublikası Ali Məclisinin Sədri Vasif Talıbov dekabrın 12-də “...

Dahi siyasətçi, görkəmli dövlət xadimi, ümummilli lider

12-12-2019-15-01 Xəbərlər

Dahi siyasətçi, görkəmli dövlət xadimi, ümummilli lider

Heydər Əliyev XX əsrin görkəmli liderlərindən biri kimi müasir demokratik Avrasi...

Heydər Əliyev və Naxçıvan

12-12-2019-14-00 Xəbərlər

Heydər Əliyev və Naxçıvan

Xalqların böyüklüyü onların ərazilərinin böyüklüyü-kiçikliyi, yaxud əhali sayı i...

Fövqəladə Hallar Nazirliyində Ulu öndərə həsr edilən tədbir olub

12-12-2019-12-32 Xəbərlər

Fövqəladə Hallar Nazirliyində Ulu öndərə həsr edilən tədbir olub

NUHÇIXAN xəbər verir ki, Naxçıvan Muxtar Respublikası Fövqəladə Hallar Nazirliyi...

Naxçıvanda ümummilli liderimiz Heydər Əliyevin xatirəsi dərin ehtiramla yad edilib - FOTOLAR

12-12-2019-12-11 Xəbərlər

Naxçıvanda ümummilli liderimiz Heydər Əliyevin xatirəsi dərin ehtiramla yad edilib - FOTOLAR

NUHÇIXAN xəbər verir ki, dekabrın 12-də Naxçıvan Muxtar Respublikası Ali Məclisi...

O yaşayır, yaşayacaq…

12-12-2019-09-00 Xəbərlər

O yaşayır, yaşayacaq…

Böyük şəxsiyyətlər uca zirvəli dağlar kimidirlər.

Culfa rayonunda təsərrüfat sahibləri ilə görüş

11-12-2019-18-21 Xəbərlər

Culfa rayonunda təsərrüfat sahibləri ilə görüş

Naxçıvan Muxtar Respublikası Kənd Təsərrüfatı Nazirliyinin əməkdaşları Culfa ray...

Hərbi hissələr qışa hazırdır - VİDEO

11-12-2019-18-00 Xəbərlər

Hərbi hissələr qışa hazırdır - VİDEO

Hərbi hissələrdə qışa hazırlıq prosesləri yekunlaşdırılıb, mövsüm üçün tələb olu...

Naxçıvan Bölməsində “Heydər Əliyev-əbədiyaşar lider” mövzusunda tədbir keçirilib

11-12-2019-16-56 Xəbərlər

Naxçıvan Bölməsində “Heydər Əliyev-əbədiyaşar lider” mövzusunda tədbir keçirilib

AMEA-nın Naxçıvan Bölməsində ümummilli lider Heydər Əliyevin xatirəsinə həsr edi...

Naxçıvan Muxtar Respublikası Ali Məclisinin Sədri Macarıstanın ölkəmizdəki səfiri ilə görüşüb

11-12-2019-16-25 Rəsmi

Naxçıvan Muxtar Respublikası Ali Məclisinin Sədri Macarıstanın ölkəmizdəki səfiri ilə görüşüb

NUHÇIXAN xəbər verir ki, dekabrın 11-də Naxçıvan Muxtar Respublikası Ali Məclisi...

Muxtar respublikada aztəminatlı ailələrin özünüməşğulluğu təmin edilir

11-12-2019-14-17 Xəbərlər

Muxtar respublikada aztəminatlı ailələrin özünüməşğulluğu təmin edilir

Ailə əməyinə əsaslanan fərdi təsərrüfatların yaradılmasına köməklik göstərilməsi...

Təsviri sənətdə dahi Heydər Əliyev obrazı

11-12-2019-12-51 Xəbərlər

Təsviri sənətdə dahi Heydər Əliyev obrazı

Böyük tarixi şəxsiyyət Heydər Əliyevin bədii obrazı müasir təsviri sənətimizin ç...

Ötən günün mənzərəsi - VİDEO

11-12-2019-12-15 Xəbərlər

Ötən günün mənzərəsi - VİDEO

NUHÇIXAN muxtar respublikamızın ictimai-mədəni, sosial-iqtisadi yeniliklərini tə...