Çap
шаблон интернет магазина joomla
Бесплатные шаблоны Joomla

NUHÇIXAN xəbər verir ki, avqustun 24-dən sentyabrın 1-dək Türkiyənin  Didim  şəhərində  10-cu Viakamp Didim  Beynəlxalq  rəsm festivalı  keçirilib.

Festivalda  Azərbaycanı Bakı şəhərindən 4, Naxçıvan şəhərindən isə 2 rəssam təmsil edib. 

Festivalda dünyanın 11 ölkəsindən 70-ə yaxın rəssam iştirak edib. Festivalın ilk 2 günü ərzində  iştirakçılar  Didimin  muzeyləri və  tarixi yerləri ilə  tanış olublar.

İştirakçılar dəniz kənarında yerləşən düşərgədə bu qədim şəhərdən aldıqları təəssüratları tablolar üzərinə köçürüblər. Fərqli texnikalarda işlənilən nümunələr sənətsevərlərin marağına səbəb olub. Festivalın sonuncu günü Didim “Qızılqum” bulvarında rəssamların əsərlərindən ibarət sərgi təşkil olunub.

Sonda festival iştirakçılarına sertifikatlar təqdim olunub. Naxçıvanlı rəssamlar Həbib Allahverdiyev və Murad Babayev festivalda fəal iştiraklarına və uğurlu çıxışlarına görə diplomlara layiq görülüblər.             

www.naxcivantv.az