Ölkəmizin hər yerində olduğu kimi, Naxçıvan Muxtar Respublikasında da sürətli inkişafın, geniş quruculuq və abadlıq işlərinin bəhrələrini görürük.

Muxtar respublikamızın bütün bölgələri kimi Culfa rayonuda da ilbəil öz simasını dəyişir, kəndlərimiz abad və yaraşıqlı ünvanlara çevrilir. Rayonumuzun simasını dəyişən, abad məkana çevrilən kəndlərindən biri də dağlar qoynunda yerləşən, sinəsində müxtəlif dövrlərin tarixini, Azərbaycan xalqının qəhrəmanlıq salnaməsini yaşadan Xanəgahdır.
    
Xanəgah kəndinin yaranma tarixi çox-çox qədimlərə aid edilir. Bu  ərazidə yerləşən məscidlər, kəhrizlər, qalalar, nişangahlar, istehkamlar ulularımızın həyat və yaşayış tərzini, inam və etiqadlarını, dini-ideoloji görüşlərini əks etdirməklə bərabər bu yerlərin qədim tarixə malik olduğunu təsdiqləyir. Tarixliyi müasirliyə qovuşan Xanəgah kəndi ilin bütün fəsillərində öz gözəlliyini qoruyub saxlayır. Başı duman çalmasına bürünəndə də gözəldir, qoynuna günəşin zəri ələnəndə də, bağ-bağatı yaşıl donunu dəyişib qızılı paltar geyəndə də. Payız fəsli olduğundan bağ-bağçada olan ağaclar yavaş-yavaş qızılı donunu geyir. Təbiətin bu halında yaranan mənzərə isə bu yerlərə xüsusi gözəllik bəxş edir.

Vaxtilə yadellilərdən qorunmaq üçün Əlincə qalasının ətəyinə sığınmış Xanəgah indi geniş bir ərazini əhatə edir, günbəgün böyüyür, öz simasını dəyişərək insanları qırılmaz tellərlə bu yurd yerinə bağlayır.

Çeşməbasar-Boyəhməd yolu ilə irəliləyib Xanəgah kəndinə yaxınlaşanda qarşıda tarixə şahidlik edən əzəmətli Əlincə qalası canlanır. Elə bil bu qala göylərə boylanıb Naxçıvanın bugünkü intibahını car çəkmək istəyir. Əsrlərin keşməkeşindən məğrurluqla çıxan Qalanın  naxışlanmış daşları düşmən üzərinə od ələyən Vətənin igid övladlarının əbədiləşmiş heykəlini xatırladır. Əlincə qalasına baxdıqca qüdrət və qəhrəmanlıq, əyilməzlik və şöhrət rəmzi ilə qarşılaşırsan.

Dağların zirvəsində tarixə şahidlik edən Qalaya  baxdıqca igidlərimiz yada düşür. "Kitabi-Dədə Qorqud" dastanından "Uşun Qoca oğlu Səgrəyin boyu"nu xatırlayıram. Qorqud atamız bu yerlərdə qəhrəmanlıq göstərən oğuz igidlərinə boy-boylayıb. Bu yurd yerimiz Dədə Qorquddan bəri dönməzləşib, qürurlu babalarımız kimi ulu olub.   

Bu kəndə yaxınlaşdıqca dağların qoynunu bəzəyən bağ-bağatın içində uyuyan bu yurd yeri daha geniş, daha yaraşıqlı görünür. Əlincə çayının sağ sahilində yerləşən, hər şeydən əvvəl Xanəgah kəndinin çoxəsrlik tarixi abidələri diqqəti cəlb edir. Kəndin şərqində isə hürufilik təriqətinin banisi Fəzlullah Nəiminin qəbirüstü abidəsi görünür. Abidə kompleksi Naxçıvan Muxtar Respublikası Ali Məclisi Sədrinin təşəbbüsü ilə 2006-cı ildə əsaslı şəkildə təmir olunub, xalqın ziyarətgahına çevrilib.   

Kəndin Əlincə qalanın ətəyində yerləşən hissəsində XIV əsr yadigarı, el arasında "Şah hamamı" adlanan möhtəşəm Dərvişlər abidəsi, XIII əsrə aid edilən məscid, sərdabələr, qədim qəbiristanlıq diqqəti cəlb edir. Doğru deyiblər ki, xalqın kimliyini bilmək üçün ilk növbədə onun tarixi abidələri nəzərə alınmalı və araşdırılmalıdır.  

Əlincə çayı üzərində salınmış körpüdən bir daha Xanəgah kəndini seyr edirəm. Kəndin insana xoş təsir bağışlayan gözəl mənzərələri məni özünə bağlayır. Dağların qoynundan boylanan payız günəşi Əlincə çayını bir güzgü kimi işıqlandırır.

Rayon mərkəzindən 35 kilometr məsafədə yerləşən Xanəgah kəndinin ümumi sahəsi 2157 hektardır. Kənd əhalisinin əsas məşğuliyyəti əkinçilik, heyvandarlıq, arıçılıq və bağçılıqdır. Muxtar respublika rəhbərliyinin göstərdiyi qayğı və diqqət nəticəsində Xanəgah kəndində də insanların torpağa bağlılığı köklü şəkildə artıb.

Bu gün Xanəgahın təsərrüfat adamları, torpaq mülkiyyətçiləri öhdələrində olan pay torpaqlarının qədrini bilir, onu  əkib-becərməklə özlərinə xoş gün-güzəran qururlar. Kəndin əkin sahələrində bu gün qaynar həyat yaşanır. Traktorların gur səsi göz işlədikcə uzanan Çətəndaş, Orta Güney, Yarpaqlı düzlərində, dağlarda əks olunur, torpaq şumlanaraq əkinə hazırlanır. Çətəndaşdakı Qaralar bulağının suyu, deyilənə görə, böyrək üçün çox faydalıdır. Bu suyun müalicəvi əhəmiyyəti bir çox insanlara şəfa bəxş edib. Kəndin ərazisində yerləşən Həsən, Cəfər və Daşarası çeşmələrinin suyu da min bir dərdin dərmanıdır, xəstələrə məlhəm olub, şəfa gətirib. Daşarası çeşməsinin suyu yel, dəri-zöhrəvi xəstəliklərinin müalicəsində əvəzsizdir. Bu yerlər kənd turizmi üçün çox əlverişlidir. Kənddəki bağlar, Əlincə çayı sahillərində, yol kənarlarında əkilmiş ağaclar bu qədim yurd yerinə özgə bir füsunkarlıq bəxş edib.

Kənd sakinləri ilə söhbətdən aydın oldu ki, bu yerlərdə nadir ağaclar sayılan istiot və sumax ağacı bitir. Əlincə çayının sahilində, su arxlarının kənarlarında əkilmiş müxtəlif meyvə ağacları insan nəvazişindən daha da pöhrələnərək qol-budaq atıb, kəndin təbii mənzərəsinə yeni bir gözəllik bəxş edib.   

Xanəgahda içməli və suvarma su problemi də həll olunub.  Kəndin cənub hissəsindəki həyətləri suvarmaq üçün Əlincə çayından kaptaj üsulu ilə 800 metr məsafədən 400 millimetrlik plastik borularla suvarma suyu çəkilib.
 
2003-cü ildə Xanəgah kəndində müasir memarlıq üslubunda 288 yerlik ikimərtəbəli məktəb binası tikilərək şagird və müəllimlərin ixtiyarına verilib. 2010-cu ildə məktəb əsaslı şəkildə yenidən təmir olunub və müasir avadanlıqlar, kompüter dəsti, elektron lövhə, fənn kabinələri üçün vəsaitlərlə təchiz olunub. Məktəbin geniş idman zalı, fənn kabinələri, sinif otaqları gənclərin sağlam böyüməsinə, təhsilin səviyyəsini yüksəltməyə təminat yaradır. Kənddə aparılan quruculuq tədbirləri sırasında Əlincə çayı üzərində salınan körpü, kənddaxili yolların genişləndirilərək asfaltlanması mühüm işlərdəndir. Ötən təsərrüfat ilində bərəkətli torpaqlardan bol məhsul əldə edən Xanəgahın təsərrüfat adamları cari ildə də əkin kampaniyasında fəallıq nümayiş etdirirlər. Cari ilin payızında 70 hektara qədər sahədə şum qaldırılıb.   

Xanəgah kəndinin geniş örüşlə zəngin olması burada heyvandarlığın inkişafına   müsbət təsir edən amillərdəndir. Bu yurd yerində hər bir ailə mal-qara saxlayır, onların sayı ildən-ilə artırılır.

Kənd sakinləri arıçılıqdan əldə etdikləri qazancla öz ailələrinin maddi vəziyyətini yaxşılaşdırırlar. Təsərrüfatçılarımız əziyyətə qatlaşıb arı ailələrinin sayını ilbəil artırır, bu gəlirli təsərrüfatı  genişləndirirlər.  

Son illər Xanəgah kəndinin sakinlərinləri  ev şəraitində limon ağaclarının becərilməsinə üstünlük verirlər. Qeyd  edim ki, Xanəgah limonu öz ətri və keyfiyyəti ilə heç də Ordubad limonundan geri qalmır.
    
Bu qədim yurd yerində əhalinin normal yaşaması üçün hər cür şərait yaradılıb. Kənddə 200 yerlik ATS-in quraşdırılması, kənd sakinlərinin daimi elektrik enerjisi və mavi yanacaqla təmin olunması onların məişət şəraitini yaxşılaşdırıb. Sakinlər kənddəki məişət xidmətindən də razılıq edirlər.

                                                                 Əliyar Əliyarlı

                                                            “Arazın səsi” qəzeti

HÜQUQ GUŞƏSİ

HÜQUQ GÜŞESİ

Bölmənin digər xəbərləri

Geriyə İrəli

Muxtar respublikanın şəhər və rayonlarında özəl ət kəsimi məntəqələri yaradılacaq

17-02-2020-17-34 Xəbərlər

Muxtar respublikanın şəhər və rayonlarında özəl ət kəsimi məntəqələri yaradılacaq

NUHÇIXAN xəbər verir ki, Dövlət Baytarlıq Xidməti və İqtisadiyyat Nazirliyi təşk...

“Naxçıvan” Universitetində pedaqoji təcrübənin başlanğıc konfransı keçirilib

17-02-2020-17-07 Xəbərlər

“Naxçıvan” Universitetində pedaqoji təcrübənin başlanğıc konfransı keçirilib

“Naxçıvan” Universitetində “Pedaqoji” və “Xarici dillər” fakültələrinin əyani şö...

Ali Məclisin Sədri Sərəncam imzaladı

17-02-2020-15-03 Rəsmi

Ali Məclisin Sədri Sərəncam imzaladı

Naxçıvan Muxtar Respublikası Ali Məclisinin Sədri Vasif Talıbov fevralın 17-də “...

Naxçıvan məhsulları “Gulfood 2020”-də nümayiş olunur

17-02-2020-14-39 Xəbərlər

Naxçıvan məhsulları “Gulfood 2020”-də nümayiş olunur

Naxçıvan Muxtar Respublikası İqtisadiyyat Nazirliyinin mətbuat xidmətindən NUHÇI...

Eynəli bəy Sultanovun “Məqalələr” kitabının müzakirəsi keçirilib

17-02-2020-13-35 Xəbərlər

Eynəli bəy Sultanovun “Məqalələr” kitabının müzakirəsi keçirilib

Culfa şəhər 2 №li tam orta məktəbdə Eynəli bəy Sultanovun “Məqalələr” kitabının ...

Böyük Füzulimizin yadigarı mən özüməm...

17-02-2020-12-22 Xəbərlər

Böyük Füzulimizin yadigarı mən özüməm...

Azərbaycanda, eləcə də Yaxın Şərqdə məşhur qəzəlxan şair kimi şöhrət qazanmış Əl...

Türkiyənin Bursa şəhərində Xocalı qurbanlarının xatirəsi yad olunub

17-02-2020-10-17 Xəbərlər

Türkiyənin Bursa şəhərində Xocalı qurbanlarının xatirəsi yad olunub

Türkiyənin Bursa şəhərində Xocalı soyqırımının 28-ci ildönümü ilə əlaqədar tədbi...

Qaradağlı faciəsindən 28 il ötür

17-02-2020-09-00 Xəbərlər

Qaradağlı faciəsindən 28 il ötür

Xocavənd rayonunun Qaradağlı kəndi Qarabağ müharibəsində ən çox faciələrə düçar ...

Qədim inanc yeri - “İydəli Pir”

16-02-2020-16-28 Xəbərlər

Qədim inanc yeri - “İydəli Pir”

Minilliklərdən bəri qədim insanların yaşayış məskəni olan muxtar respublikamız t...

Meyvələrin şahı-alma

16-02-2020-13-31 Xəbərlər

Meyvələrin şahı-alma

Dünyanın bir çox yerlərində dağlıq və dağətəyi zonalarda geniş əkilib becərilən ...

Hər fəsildə gözəlliyi ilə göz oxşayan Ağbulaq

16-02-2020-12-29 Xəbərlər

Hər fəsildə gözəlliyi ilə göz oxşayan Ağbulaq

Şahbuz rayonu muxtar respublikanın zəngin-mədəni irsi, özünəməxsus mətbəxi, çeşi...

Naxçıvan teleradiosu işçi qəbulu elan edir

16-02-2020-11-03 Xəbərlər

Naxçıvan teleradiosu işçi qəbulu elan edir

Naxçıvan Dövlət Radiosu “Musiqi tərtibatçısı” vəzifəsi üzrə işçi qəbulu elan edi...

“İxrac ili” iqtisadiyyata və sahibkara nə vəd edir?

16-02-2020-10-01 Xəbərlər

“İxrac ili”  iqtisadiyyata və sahibkara nə vəd edir?

Naxçıvan Muxtar Respublikası Ali Məclisinin Sədri cənab Vasif Talıbov fevralın 6...

Dövlət İmtahan Mərkəzi: 15 mindən çox abituriyent sınaq imtahanı verəcək

16-02-2020-09-00 Xəbərlər

Dövlət İmtahan Mərkəzi: 15 mindən çox abituriyent sınaq imtahanı verəcək

Dövlət İmtahan Mərkəzi (DİM) tərəfindən bu gün ali təhsil müəssisələrinə qəbul i...

Naxçıvanda sabaha olan hava proqnozu

15-02-2020-17-57 Xəbərlər

Naxçıvanda sabaha olan hava proqnozu

Naxçıvan Muxtar Respublikasında fevralın 16-na gözlənilən hava proqnozu açıqlanı...

Naxçıvanda sağlamlıq imkanları məhdud şəxslər üçün İdman Kompleksi yaradılacaq

15-02-2020-16-53 Xəbərlər

Naxçıvanda sağlamlıq imkanları məhdud şəxslər üçün İdman Kompleksi yaradılacaq

NUHÇIXAN xəbər verir ki, Dövlət Şəhərsalma və Arxitektura Komitəsi və Paralimpiy...

Naxçıvan şəhərində Karate üzrə Dünya Kuboku keçiriləcək

15-02-2020-15-50 Xəbərlər

Naxçıvan şəhərində Karate üzrə Dünya Kuboku keçiriləcək

NUHÇIXAN xəbər verir ki, bu tədbirin keçirilməsi “2020-2025-ci illər üçün Naxçıv...

Ordubad Şəhər Stadionu yenidən qurulacaq

15-02-2020-15-28 Xəbərlər

Ordubad Şəhər Stadionu yenidən qurulacaq

NUHÇIXAN xəbər verir ki, 2020-ci ildə Ordubad Şəhər Stadionunu yenidən qurulacaq...

2019-cu ildə muxtar respublikada doğulan uşaqlara ən çox qoyulan adlar

15-02-2020-11-33 Xəbərlər

2019-cu ildə muxtar respublikada doğulan uşaqlara ən çox qoyulan adlar

Son illər muxtar respublikanın sosial-iqtisadi həyatında əldə olunan davamlı ink...

Naxçıvan Muxtar Respublikası Nazirlər Kabineti yeni qərarlar qəbul edib

15-02-2020-10-19 Xəbərlər

Naxçıvan Muxtar Respublikası Nazirlər Kabineti yeni qərarlar qəbul edib

Naxçıvan Muxtar Respublikasının Nazirlər Kabineti 2020-ci ilin fevral ayının ilk...

Ali Məclisin Sədri Sərəncam imzaladı

14-02-2020-19-40 Rəsmi

Ali Məclisin Sədri Sərəncam imzaladı

Naxçıvan Muxtar Respublikası Ali Məclisinin Sədri Vasif Talıbov fevralın 14-də “...

Naxçıvan şəhərinin möhtəşəm qar görüntüsü - VİDEO

14-02-2020-18-37 Xəbərlər

Naxçıvan şəhərinin möhtəşəm qar görüntüsü - VİDEO

Fevralın 13-də günorta saatlarından başlayaraq Naxçıvan şəhərinə növbəti dəfə qa...

Xəyanət heç zaman bağışlanmır!

14-02-2020-18-16 Xəbərlər

Xəyanət heç zaman bağışlanmır!

Sahil Tahirli yazır.

Muxtar respublikada imtahanların obyektivliyi və şəffaflığı təmin edilir

14-02-2020-17-17 Xəbərlər

Muxtar respublikada imtahanların obyektivliyi və şəffaflığı təmin edilir

Naxçıvan Muxtar Respublikası Ali Məclisinin Sədri yanında Dövlət Qulluğu Məsələl...

Baş Prokurorluqda geniş kollegiya iclası keçirilib

14-02-2020-16-57 Xəbərlər

Baş Prokurorluqda geniş kollegiya iclası keçirilib

Fevralın 14-də Azərbaycan Respublikasının Baş Prokurorluğunda mərkəzi aparatın, ...

Naxçıvanın ixrac potensialı daha da artacaq

14-02-2020-15-34 Xəbərlər

Naxçıvanın ixrac potensialı daha da artacaq

Müstəqillik illərində Naxçıvan Muxtar Respublikası misilsiz inkişaf yolu keçmişd...

Ali təhsil müəssisələrinə qəbul imtahanının ikinci mərhələsi üzrə sınaq imtahanı keçirəcək

14-02-2020-14-00 Xəbərlər

Ali təhsil müəssisələrinə qəbul imtahanının ikinci mərhələsi üzrə sınaq imtahanı keçirəcək

Dövlət İmtahan Mərkəzi (DİM) fevralın 16-da ali təhsil müəssisələrinə qəbul imta...

Ötən il muxtar respublikada 253,3 hektar sahədə meyvə bağları salınıb

14-02-2020-13-10 Xəbərlər

Ötən il muxtar respublikada 253,3 hektar sahədə meyvə bağları salınıb

Muxtar respublikada ərzaq təhlükəsizliyinin təmin olunması istiqamətində ardıcıl...

Muxtar respublikada reproduktiv sağlamlıq və ailə dəyərlərinin qorunması məsələləri diqqətdə saxlanılır

14-02-2020-12-24 Xəbərlər

Muxtar respublikada reproduktiv sağlamlıq və ailə dəyərlərinin qorunması məsələləri diqqətdə saxlanılır

Ailə dəyərlərinin qorunduğu muxtar respublikada tibbi xidmətin səviyyəsinin yüks...

Naxçıvanda bədən tərbiyəsi və idmanın inkişaf tarixinə dair dərslik hazırlanıb

14-02-2020-12-05 Xəbərlər

Naxçıvanda bədən tərbiyəsi və idmanın inkişaf tarixinə dair dərslik hazırlanıb

Naxçıvan Muxtar Respublikası Boks Federasiyasının müəllim-məşqçisi, Naxçıvan Döv...