Ölkəmizin hər yerində olduğu kimi, Şərur rayon sakinləri də dekabrın 12-də ulu öndər Heydər Əliyevin əziz xatirəsini böyük hörmətlə yad ediblər.

Anım günü ilə əlaqədar olaraq keçirilən mərasimdə rayon sakinləri xalqımızın böyük oğlunun əzəmətlə ucalan abidəsini ziyarət edib, xatirəsini dərin ehtiramla anıblar.

Ümummilli Liderin Azərbaycana rəhbərliyi dövründə respublikamızın bütün bölgələrində olduğu kimi, Şərur rayonunda da genişmiqyaslı tikinti-quruculuq, abadlıq tədbirləri həyata keçirilib, onlarla məktəb, xəstəxana, mədəniyyət müəssisəsi üçün yeni bina tikilib istifadəyə verilib, yollar, körpülər salınıb, meliorasiya-irriqasiya işləri görülüb. Ulu Öndərin bilavasitə rəhbərliyi ilə Şərurda yaradılan Arpaçay Su Qovşağı on minlərlə hektar əkinəyararlı sahənin suvarılmasına imkan yaradıb. Dahi şəxsiyyətin həyata keçirdiyi çoxşaxəli, ardıcıl tədbirlərdən muxtar respublikanın bu böyük bölgəsinə də xeyli pay düşüb. Yeni sənaye müəssisələrinin işə salınması, aqrar sahədə həyata keçirilən islahatlar rayonda iqtisadiyyatın, buna müvafiq olaraq əhalinin maddi rifah halının xeyli yüksəlməsinə imkan yaradıb.

Naxçıvan Muxtar Respublikasında Heydər Əliyev siyasətinə sədaqətin nəticəsidir ki, son illər rayonda 50-dən artıq yaşayış məntəqəsində geniş quruculuq tədbirləri həyata keçirilib. Təkcə bu il 6 yaşayış məntəqəsində yeni sosial obyektlər istifadəyə verilib, bütün infrastrukturlar təzələnib, Şərur şəhərində iki ictimai yaşayış binası əsaslı şəkildə yenidən qurulub. Muğancıq Mehrab və Məmmədsabir kəndlərində aparılan quruculuq tədbirləri isə yekunlaşmaq üzrədir.

Muxtar respublikaya daim böyük diqqət və qayğı göstərən Azərbaycan Respublikası Prezidentinin 2019-cu il 13 sentyabr tarixli Fərmanına əsasən Şərur Sənaye Məhəlləsinin tikintisinə başlanması rayonda sənaye potensialının daha da genişləndirilməsinə təkan verəcəkdir.

Ümumiyyətlə, Şərur ulu öndər Heydər Əliyev siyasətinə sadiqliyin nəticəsində inkişafının yeniləşən mərhələsini yaşayır.

***

Ümummilli Liderin hələ Sovetlər Birliyi dönəmində cəsarət və qətiyyətlə həyata keçirdiyi tədbirlərdən biri də Babək rayonunun yaradılması ilə bağlı oldu. 1978-ci ildə mərkəzin iradəsinin əksinə olaraq yeni bir rayon təşkil edib, ona xalq qəhrəmanının adını vermək yalnız Heydər Əliyev dühasına, şəxsiyyətinə nəsib ola bilərdi.

Bu gün 75 mindən çox əhalisi olan Babək rayonu 35 kənd və 1 qəsəbədən ibarətdir. Ötən dövr ərzində dahi şəxsiyyətin müəyyən etdiyi sabitlik və inkişaf yoluna göstərilən dərin sədaqətin nəticəsində rayonun yaşayış məntəqələri başdan-başa yenidən qurulub, infrastruktur yenilənib.

Ulu öndər Heydər Əliyev siyasətinin uğurla davam etdirilməsi sayəsində ötən illərlə müqayisədə Babək rayonunda sənaye məhsulunun həcmində bir neçə dəfə artım olub. Rayon ərazisində iri daş məhsulları, kərpic, beton məmulatları və mineral su istehsalı müəssisələri ilə yanaşı, kiçik sahibkarlıq subyektləri də yaradılıb. Nehrəmdə gəc istehsalı, digər kəndlərdəki emal sahələrini və Cəhri, Sirab, Hacıvardakı un dəyirmanlarını nəzərə alsaq, burada çox sayda babəklinin işlə təmin olunduğunu görmək olar.

Babək rayonunda aparılan abadlıq-quruculuq işləri hər il davamlı xarakter alır. 2019-cu ildə isə rayonda Ali Məclis Sədrinin iştirakı ilə müasir ağacyetişdirmə sahəsi – “İqlim otağı” fəaliyyətə başlayıb, Elektrik Şəbəkəsi üçün tikilən inzibati bina istifadəyə verilib. Bununla yanaşı, cari ilin payız aylarında tarixi yaşayış məntəqəsi olan qədim Kültəpə müasirliyə qovuşub. Quruculuq ərməğanının növbəti ünvanı isə kiçik yaşayış məntəqəsi Gülşənabad olub. Rayonda Baytarlıq İdarəsinin və Süni Mayalanma Mərkəzinin tikintisi də uğurla davam etdirilib. İndi fəxrlə demək olar ki, Babək bu gün muxtar respublikanın inkişaf etmiş rayonları sırasındadır. Bütün bunlar isə Heydər Əliyev ideyalarının uğurlu davamının əməli bəhrələridir.

Dekabrın 12-də Babək rayonunda dahi şəxsiyyətin anım günü ilə əlaqədar olaraq keçirilən mərasimdə sakinlər Ümummilli Liderin rayon mərkəzində əzəmətlə ucalan abidəsinin önünə gələrək Onun əziz xatirəsini yad edib, hörmət və ehtiramlarını bildiriblər.

***

Ulu Öndər tərəfindən müəyyənləşdirilən sosial-iqtisadi strategiyanın, quruculuq xəttinin Naxçıvan Muxtar Respublikasında layiqincə davam etdirilməsinin nəticəsində Ordubad rayonu da özünün inkişaf dövrünü yaşayır. Belə ki, bu rayon son 24 ildə neçə onilliklərə bərabər inkişaf yolu keçərək müasirliyə qovuşub, həyatın bütün sahələrində böyük uğurlar qazanılıb. Əldə olunan uğurların təməlində isə ulu öndər Heydər Əliyev yoluna böyük inam, bu dahi şəxsiyyətin ideyalarına sədaqət dayanır.

Təkcə yola salmaqda olduğumuz 2019-cu ilə nəzər yetirdikdə nə qədər böyük uğurlar qazanıldığını görə bilərik. Bu il yanvar ayında rayonun ən iri kənd yaşayış məntəqəsi olan Dəstə kəndində kompleks quruculuq işləri görülüb. May ayında isə Ordubad şəhərində rayon İcra Hakimiyyətinin və şəhər İcra Nümayəndəliyinin binaları əsaslı yenidənqurma və təmirdən sonra istifadəyə verilib. Azadkənddə yeni su təchizatı sisteminin qurulması layihəsinin icrası başa çatdırılıb, Dəstəbaşı-Vənənd avtomobil yolu əsaslı təmir edilib, dekabr ayında isə Dırnıs kəndində Allahşükür məscidi istifadəyə verilib. Bundan başqa, Ordubad şəhərində içməli su və kanalizasiya xətlərinin, 28 mənzilli yaşayış binasının inşası, Culfa-Ordubad magistral avtomobil yolunun yenidən qurulması, Ordubad Su Elektrik Stansiyasının tikintisi davam etdirilib.

Millətinin gələcəyi üçün gördüyü işlərə, insanların rifahı naminə misilsiz xidmətlərinə, bugünkü əmin-amanlığa, firavanlığa görə xalqımızın böyük oğlu Heydər Əliyev ölkəmizin hər yerində olduğu kimi, “Azərbaycanın incisi” adlandırdığı Ordubadda da rayon sakinləri tərəfindən həmişə minnətdarlıqla xatırlanır. Ordubadlılar inanırlar ki, ulu öndər Heydər Əliyev siyasəti bundan sonra da yaşayacaq.

Dekabrın 12-də Ordubad rayonunda da dahi rəhbərin, əbədiyaşar liderin anım mərasimi keçirilib. Ordubadlılar şəhərin mərkəzindəki ulu öndər Heydər Əliyevin büstü önünə gələrək görkəmli dövlət xadiminə sevgi və ehtiramlarını bildirib, büstün önünə gül dəstələri qoyublar.

***

Culfa rayonunda da Ümummilli Liderin xatirəsi böyük ehtiramla yad olunub. İdarə, müəssisə, təşkilat kollektivləri, ictimaiyyət nümayəndələri, şəhər sakinləri Ulu Öndərin Culfa şəhərindəki büstünü ziyarət edib, tər gül dəstələri qoyublar.

Görkəmli dövlət xadiminin müdrikliklə davam etdirilən quruculuq siyasətinin bu rayonda da xeyli bəhrələri var. Məhz bu bəhrələr hesabına Culfa da müasir rayona çevrilib. Bir-birindən yaraşıqlı inzibati və ictimai yaşayış binaları, parklar, abad prospekt və küçələr, həm şəhərdaxili, həm də rayonun kəndləri arasında salınmış asfalt yollar sakinlərin istifadəsinə verilib. Əhalisinin 70 faizdən çoxu kəndlərdə yaşayan muxtar respublikamızın digər bölgələrində olduğu kimi, Culfa rayonunda da mühüm sahələrdən olan aqrar bölmənin inkişafı diqqət mərkəzində saxlanılıb, daxili bazarın keyfiyyətli yerli kənd təsərrüfatı məhsulları ilə təmin olunmasına əlverişli şərait yaradılıb. Həyata keçirilən ardıcıl və məqsədyönlü tədbirlər öz bəhrəsini verib, əhalinin məşğulluğu təmin olunub, maddi rifah halı daha da yaxşılaşıb. Culfada da son illərdə əldə olunan nailiyyətlər onu deməyə əsas verir ki, Ulu Öndərimiz tərəfindən əsası qoyulan işlər muxtar respublikamızda uğurla davam etdirilir.

Cari il də culfalılar üçün quruculuq tədbirləri ilə yaddaqalan olub. Rayon mərkəzində, kənd yaşayış məntəqələrində kompleks quruculuq tədbirlərinin aparılması davamlı xarakter alıb. Hazırda rayon mərkəzindəki Heydər Əliyev prospekti yenidən qurulur, Rabitə Evi, Dövlət Yanğın Təhlükəsizliyi İdarəsinin inzibati binası, “Naxçıvan Dəmir Yolları” Məhdud Məsuliyyətli Cəmiyyətinin Yük və Sərnişin Daşımalar İdarəsinin Vaqon Təmiri sexi, Təhsil şöbəsi üçün binalar inşa olunur, kənddaxili yollara qara örtük salınır, Ərəfsə kəndində Daş körpü tarix və mədəniyyət abidəsi bərpa olunub, Darıdağ arsenli su müalicə və istirahət kompleksində tikinti işləri davam edir.

Təbii ki, görülən işlər Culfa rayonunun sakinləri tərəfindən ümummilli liderin parlaq ideyalarının davamı kimi minnətdarlıqla qarşılanır, xalqımızın böyük oğlu, dahi şəxsiyyət Heydər Əliyevin əziz xatirəsi daim ehtiramla yad edilir.

***

Dekabrın 12-də Kəngərli rayon sakinləri Ümummilli Liderin rayon mərkəzindəki abidəsi önünə tər gül dəstələri qoyub, müstəqil Azərbaycanın qurucusunun xatirəsini dərin ehtiramla yad ediblər. İdarə, müəssisə və təşkilatların, məktəblərin kollektivləri, ictimaiyyətin nümayəndələri Ulu Öndərin əziz xatirəsinə sonsuz məhəbbətlərini ifadə ediblər.

Heydər Əliyev ideyalarının muxtar respublikamızda uğurla həyata keçirilməsi bütün bölgələrimiz kimi, Kəngərli rayonunu da gözəlliklər diyarına çevirib. Bu il yaradılmasının 15 illiyi tamam olan rayonda ötən illər ərzində mühüm infrastruktur layihələri həyata keçirilib. Rayonda yeni istehsal müəssisələrinin işə salınması ilə geniş iqtisadi potensialın əsası qoyulub, əhalinin məşğulluğunun və güzəranının yaxşılaşdırılması üçün etibarlı təminat yaradılıb.

Bu gün Kəngərli rayonu hərtərəfli inkişaf və tərəqqi dövrünü yaşayır. Əsaslı və kompleks şəkildə aparılan tikinti-quruculuq tədbirlərinin nəticəsidir ki, rayon mərkəzi sayılan Qıvraq qəsəbəsi tamamilə öz simasını dəyişib.

Rayonun davamlı sosial-iqtisadi inkişafı, o cümlədən tikinti-quruculuq tədbirləri cari ildə də davam etdirilib. 2019-cu ildə Qabıllı kəndində yeni Günəş Elektrik Stansiyası fəaliyyətə başlayıb, Qıvraq qəsəbəsində bir yaşayış binasının tikintisi başa çatdırılıb, hərbi hissədə isə zabit-gizir ailələrinin ixtiyarına yeni yaşayış binası verilib. Hazırda rayonda quruculuq tədbirləri davam etdirilir.

Yaradılmış münbit şərait aqrar bölgə olan Kəngərlidə kənd təsərrüfatının da sürətli inkişafına təkan verib. Rayonda əkin sahələrinin əhatəsi genişləndirilir, yeni suvarma sistemləri yaradılır, məhsuldarlıq ildən-ilə artır.

Günü-gündən gözəlləşən və müasirliyə qovuşan Kəngərli rayonunda müasirlik və yeniləşmə Heydər Əliyev ideyalarının uğurla davam etdirilməsinin nəticələridir.

***

Şahbuz rayonunun sakinləri, idarə, müəssisə və təşkilat kollektivləri, hərbi hissə, həmçinin ictimaiyyət nümayəndələri hər il olduğu kimi, bu il də görkəmli dövlət xadimi Heydər Əliyevin rayon İcra Hakimiyyətinin binası qarşısındakı büstü önünə təzə-tər qərənfillər düzərək onun əziz xatirəsini hörmətlə yad ediblər.

Ulu Öndərin diqqət və qayğısı ilə regionların inkişafına göstərilən dəstək Şahbuzun da tərəqqisinə yol açdı. Ötən illər ərzində rayonda tikinti-quruculuq siyasəti dövlət qayğısı ilə davamlı şəkildə həyata keçirilib.

Müasirliyə qovuşan rayonda bu il də tikinti-quruculuq işləri geniş vüsət alıb. 2019-cu ilin ötən dövrünə nəzər salanda yenə də ulu öndər Heydər Əliyev siyasətinin bəhrələrini aydın görmək olur.

Muxtariyyətimizin 95 illik yubileyi ilində rayonda yeni Aviakassa binası, Badamlı qəsəbəsində avtomobil yolu və xidmət mərkəzi istifadəyə verilib. Şahbuz Rayon Mədəniyyət Sarayı, Dövlət Arxivi üçün nümunəvi şərait yaradılıb. Quruculuq işləri rayonun Türkeş kəndini də yeni inkişaf mərhələsinə qovuşdurub.

Rayonun Sələsüz, Yuxarı Qışlaq, Aşağı Qışlaq, Mahmudoba və Kolanı kəndlərində mərasim evi inşa olunub. Kükü, Badamlı kəndlərində isə mərasim evlərinin tikintisi davam etdirilir. Bütün bunlar muxtar respublikada Heydər Əliyev ideyalarının sədaqətlə və yaradıcı şəkildə davam etdirilməsinin nəticəsidir. Bu uğurlar həm də onu sübut edir ki, Ümummilli Liderin ölməz xatirəsi və böyük əməlləri daim yaşayacaq.

***

Ümummilli lider Heydər Əliyevin anım günü Sədərək rayonunda dahi şəxsiyyətin Heydərabad qəsəbəsindəki büstü ziyarət edilib, önünə tər güllər düzülüb.

Azərbaycan xalqının tarixində və taleyüklü məsələlərin həllində müstəsna xidmətləri olan Ümummilli Lider böyük siyasət üçün yaranan nadir şəxsiyyət idi. Ölkəmiz bu gün Ulu Öndərin uğurlu siyasətinin davam etdirilməsi sayəsində dünyada tanınan nüfuzlu bir dövlətə çevrilib.

Prezident İlham Əliyevin rəhbərliyi ilə ölkəmizdə bütün sahələrdə aparılan uğurlu islahatlar ümummilli lider Heydər Əliyev yolunun layiqincə davam etdirildiyinə, memarı olduğu müstəqil Azərbaycanın etibarlı əllərdə olduğuna möhkəm əminlik yaradıb.

Naxçıvan Muxtar Respublikasının sərhəd bölgəsi olan Sədərək rayonunun yaradılması, inkişafı və tərəqqisi ulu öndər Heydər Əliyevin adı ilə bağlıdır. Sədərək rayon kimi muxtar respublikanın inzibati ərazi bölgüsünə 1990-cı il avqustun 28-də daxil edilib. Rayon mərkəzi olan Heydərabad qəsəbəsinin əsası hələ Ümummilli Liderin Azərbaycana birinci rəhbərliyi dövründə qoyulub. Ötən əsrin 90-cı illərində Sədərək mənfur ermənilər tərəfindən mütəmadi hücumlara məruz qalmışdı. Dahi şəxsiyyətin böyük nüfuzu, uzaqgörən siyasəti nəticəsində düşmən hücumlarının qarşısı qətiyyətlə alınıb, rayonun müdafiəsi üçün mühüm addımlar atılıb. Ümummilli lider Heydər Əliyevin Naxçıvan Muxtar Respublikası Ali Məclisinin Sədri olduğu dövrdə rayonun sosial-iqtisadi inkişafının təmin edilməsi istiqamətində ardıcıl tədbirlər həyata keçirilib. Rayon mərkəzi olan Heydərabad qəsəbəsinin siması büsbütün dəyişib. Qəsəbədə 7 mərtəbəli 48 mənzilli yaşayış binası tikilib istifadəyə verilib.

Təbii ki, sədərəklilər bu gün Ümummilli Liderin bu rayonun yaradılması, müdafiə və inkişaf etdirilməsi sahəsində xidmətlərini dərin hörmət və ehtiramla yad edirlər.

HÜQUQ GUŞƏSİ

HÜQUQ GÜŞESİ

Bölmənin digər xəbərləri

Geriyə İrəli

Naxçıvan Qarnizonu qoşunlarında 20 Yanvar faciəsinə həsr olunmuş silsilə tədbirlər təşkil edilir

18-01-2020-14-53 Xəbərlər

Naxçıvan Qarnizonu qoşunlarında 20 Yanvar faciəsinə həsr olunmuş silsilə tədbirlər təşkil edilir

Naxçıvan Qarnizonu qoşunlarında 20 Yanvar faciəsinə həsr olunmuş silsilə tədbirl...

Naxçıvan SSRİ-nin tərkibindən necə ayrıldı: 19 yanvar 1990-cı il- sonun başlanğıcı

18-01-2020-14-29 Xəbərlər

Naxçıvan SSRİ-nin tərkibindən necə ayrıldı: 19 yanvar 1990-cı il- sonun başlanğıcı

30 il əvvəl, Sovet rejiminin tarixində ilk dəfə muxtariyyət Sovet İttifaqının tə...

Təbrizdə 20 Yanvar faciəsinin 30-cu ildönümü ilə bağlı tədbir keçirilib

18-01-2020-13-00 Xəbərlər

Təbrizdə 20 Yanvar faciəsinin 30-cu ildönümü ilə bağlı tədbir keçirilib

NUHÇIXAN xəbər verir ki, yanvarın 16-da Azərbaycan Respublikasının İran İslam Re...

20 Yanvar faciəsi rəsm əsərlərində

18-01-2020-11-50 Xəbərlər

20 Yanvar faciəsi rəsm əsərlərində

Naxçıvan Muxtar Respublikası Rəssamlar Birliyinin Bəhruz Kəngərli adına Sərgi Sa...

Qədim Kərkük yadigarı, qeyrət qalası Sədərəyin bağrından qoparılan çiçəyi

18-01-2020-09-51 Xəbərlər

Qədim Kərkük yadigarı, qeyrət qalası Sədərəyin bağrından qoparılan çiçəyi

Ermənilər ilk işğalçılıq əməllərini 1990-cı il yanvar ayının 15-dən başlayaraq A...

18 yanvar Naxçıvan Muxtar Respublikası Ədliyyə Nazirliyinin yarandığı gündür

18-01-2020-09-23 Xəbərlər

18 yanvar Naxçıvan Muxtar Respublikası Ədliyyə Nazirliyinin yarandığı gündür

Muxtar respublikada ədliyyə orqanları dövlət qayğısı ilə əhatə olunub.

18 yanvar Naxçıvan Muxtar Respublikası Səhiyyə Nazirliyinin yarandığı gündür

18-01-2020-09-00 Xəbərlər

18 yanvar Naxçıvan Muxtar Respublikası Səhiyyə Nazirliyinin yarandığı gündür

İnsan sağlamlığı cəmiyyətin ən qiymətli sərvətidir.

18 yanvar Naxçıvan Muxtar Respublikası Daxili İşlər Nazirliyinin yaranması günüdür

18-01-2020-00-00 Xəbərlər

18 yanvar Naxçıvan Muxtar Respublikası Daxili İşlər Nazirliyinin yaranması günüdür

Daxili işlər orqanlarının fəaliyyəti üçün hərtərəfli şərait yaradılıb.

Polis veteranları ötən ilin yekunlarını müzakirə ediblər

17-01-2020-17-55 Xəbərlər

Polis veteranları ötən ilin yekunlarını müzakirə ediblər

NUHÇIXAN xəbər verir ki, Naxçıvan Muxtar Respublikası Daxili İşlər Nazirliyi Vet...

Naxçıvan Dövlət Universitetində 20 Yanvar şəhidlərinin xatirəsi anılıb

17-01-2020-16-45 Xəbərlər

Naxçıvan Dövlət Universitetində 20 Yanvar şəhidlərinin xatirəsi anılıb

NUHÇIXAN xəbər verir ki, Naxçıvan Dövlət Universitetinin Magistratura mərkəzinin...

Məktəblərin qış tətilinin vaxtı açıqlanıb

17-01-2020-16-24 Xəbərlər

Məktəblərin qış tətilinin vaxtı açıqlanıb

Yanvarın 27-dən ümumi təhsil müəssisələrində 2019-2020-ci tədris ili üzrə qış tə...

Şanlı tariximiz 20 yanvar

17-01-2020-16-05 Xəbərlər

Şanlı tariximiz 20 yanvar

Azərbaycan Milli Elmlər Akademiyası Naxçıvan Bölməsinin əməkdaşları Xatirə Muzey...

Naxçıvan Bölməsində “Tariximizin şərəfli və qəhrəmanlıq səhifəsi” mövzusunda konfrans

17-01-2020-15-02 Xəbərlər

Naxçıvan Bölməsində “Tariximizin şərəfli və qəhrəmanlıq səhifəsi” mövzusunda konfrans

AMEA-nın Naxçıvan Bölməsində 20 Yanvar faciəsinin 30-cu ildönümünə həsr olunan “...

Ötən günün mənzərəsi - VİDEO

17-01-2020-12-51 Xəbərlər

Ötən günün mənzərəsi - VİDEO

NUHÇIXAN muxtar respublikamızın ictimai-mədəni, sosial-iqtisadi yeniliklərini tə...

İlk dərslər 20 Yanvara həsr olunub

17-01-2020-11-21 Xəbərlər

İlk dərslər 20 Yanvara həsr olunub

Yanvarın 17-də ümumi təhsil müəssisələrində 20 Yanvar - Ümumxalq Hüzn Gününə həs...

Naxçıvanın Bakıdakı daimi nümayəndəliyində 20 Yanvar faciəsi ilə bağlı anım tədbiri keçirilib

17-01-2020-09-57 Xəbərlər

Naxçıvanın Bakıdakı daimi nümayəndəliyində 20 Yanvar faciəsi ilə bağlı anım tədbiri keçirilib

NUHÇIXAN xəbər verir ki, Bakı şəhərində Naxçıvan Muxtar Respublikasının Daimi Nü...

Ali Məclisin Sədri Sərəncam imzaladı

16-01-2020-19-30 Rəsmi

Ali Məclisin Sədri Sərəncam imzaladı

Naxçıvan Muxtar Respublikası Ali Məclisinin Sədri Vasif Talıbov yanvarın 16-da C...

Culfa rayonunda icbari tibbi sığortanın tətbiqi ilə bağlı müşavirə keçirilib

16-01-2020-19-05 Xəbərlər

Culfa rayonunda icbari tibbi sığortanın tətbiqi ilə bağlı müşavirə keçirilib

NUHÇIXAN xəbər verir ki, yanvarın 16-da Culfa rayonunda icbari tibbi sığortanın ...

Culfa rayonunda icbari tibbi sığortanın tətbiqinə başlanıb

16-01-2020-19-01 Rəsmi

Culfa rayonunda icbari tibbi sığortanın tətbiqinə başlanıb

Yanvarın 16-da Culfa rayonunda icbari tibbi sığortanın tətbiqi ilə bağlı tədbir ...

Kəngərli rayonunun Böyükdüz kəndində qapalı suvarma şəbəkəsi qurulur

16-01-2020-17-25 Xəbərlər

Kəngərli rayonunun Böyükdüz kəndində qapalı suvarma şəbəkəsi qurulur

Naxçıvan Muxtar Respublikasının Dövlət Meliorasiya və Su Təsərrüfatı Komitəsinin...

Naxçıvanda sabaha olan hava proqnozu

16-01-2020-17-03 Xəbərlər

Naxçıvanda sabaha olan hava proqnozu

Naxçıvan Muxtar Respublikasında yanvarın 17-nə gözlənilən hava proqnozu açıqlanı...

Naxçıvanda “ASAN xidmət” mərkəzinin layihələndirilməsi və tikintisinə 8,8 milyon manat ayrıldı - SƏRƏNCAM

16-01-2020-16-37 Xəbərlər

Naxçıvanda “ASAN xidmət” mərkəzinin layihələndirilməsi və tikintisinə 8,8 milyon manat ayrıldı - SƏRƏNCAM

Prezident İlham Əliyev yanvarın 16-da Naxçıvan şəhərində “ASAN xidmət” mərkəzini...

Muxtar respublikada əmək pensiyalarının ödənişi vaxtından əvvəl maliyyələşdirilib

16-01-2020-12-47 Xəbərlər

Muxtar respublikada əmək pensiyalarının ödənişi vaxtından əvvəl maliyyələşdirilib

Naxçıvan Muxtar Respublikası Dövlət Sosial Müdafiə Fondu tərəfindən muxtar respu...

Muxtar respublikada əhaliyə keyfiyyətli rabitə xidmətləri göstərilir

16-01-2020-11-23 Xəbərlər

Muxtar respublikada əhaliyə keyfiyyətli rabitə xidmətləri göstərilir

Muxtar respublikada yeni texnologiyaların tətbiqi və əhaliyə keyfiyyətli rabitə,...

Ötən günün mənzərəsi - VİDEO

16-01-2020-11-01 Xəbərlər

Ötən günün mənzərəsi - VİDEO

NUHÇIXAN muxtar respublikamızın ictimai-mədəni, sosial-iqtisadi yeniliklərini tə...

Naxçıvanda növbəti humanitar tibbi aksiya

16-01-2020-10-19 Xəbərlər

Naxçıvanda növbəti humanitar tibbi aksiya

NUHÇIXAN xəbər verir ki, Naxçıvanda növbəti humanitar tibbi aksiya keçirilir.

Şəhid ailələrinin problemləri dövlətin diqqətindədir

16-01-2020-09-37 Xəbərlər

Şəhid ailələrinin problemləri dövlətin diqqətindədir

Azərbaycan Vətən Müharibəsi Veteranları və Şəhid Ailələri Naxçıvan Muxtar Respub...

Naxçıvan Muxtar Respublikası Nazirlər Kabinetinin mətbuat xidmətinin məlumatı

16-01-2020-09-00 Xəbərlər

Naxçıvan Muxtar Respublikası Nazirlər Kabinetinin mətbuat xidmətinin məlumatı

Naxçıvan Muxtar Respublikası Nazirlər Kabinetində yanvar ayının ilk 15 günü ərzi...

Naxçıvan şəhərində dronla gəzinti: ilk qardan sonra - VİDEO

15-01-2020-18-36 Xəbərlər

Naxçıvan şəhərində dronla gəzinti: ilk qardan sonra - VİDEO

Yanvarın 13-də Naxçıvan şəhərinə ilk qar yağıb. Naxçıvan televiziyasının əməkdaş...

Naxçıvanlı şairin kitabı Tehranda nəşr olunub

15-01-2020-16-42 Xəbərlər

Naxçıvanlı şairin kitabı Tehranda nəşr olunub

NUHÇIXAN xəbər verir ki, Azərbaycan Yazıçılar və Jurnalistlər Birliklərinin üzvü...