Naxcivantv.az xəbər verir ki, işğalçı ölkəyə səfər edən bir qrup avropalı  jurnalist əhalinin yoxsul həyat tərzindən dəhşətə gəlib. Bu barədə Almaniyanın nüfuzlu “Schwabische Post” qəzetində geniş məqalə dərc olunub.

“Gördüyümüz yoxsulluq bizi utandırır”.  Ermənistana səfər edən Qırmızı Xaç Komitəsinin Baden-Vertemberq torpağı birliyinin nümayəndələri mətbauata açıqlamalarında belə deyiblər.  Onları müşayət edən avropalı jurnalistlər də  bu ölkədə əhalinin yaşayış səviyyəsindən məyus olduqlarını bildiriblər. Səfər təəssüratları ilə bağlı Almaniyanın nüfuzlu “Schwabische Post” qəzetində “Ermənisrtandakı yoxsulluqdan dəhşətə gəldilər” adlı məqalə çap olunub.

   “Bir sıra humanitar təşkilatların nümayəndələri “Mərhəmət mətbəxi” adlı humanitar yardım proqramı çərçivəsində Ermənistanın şimal bölgəsində yaşayan 450 qoca və 250 uşağa yardım etmək məqsədilə bu ölkəyə gediblər. Bu səfalət  içində yaşayan əhalinin cüzi hissəsidir. Hökümət onlar üçün heç nə etmir. Humanitar təşkilatlar da olmasa Ermənistanın əyalətlərində yaşayış daha dözülməz olar”,-deyə yazıda qeyd olunur. 

    Məqalədə almaniyalı qonaqların Gümrü və Vanadzor şəhərlərində gördükləri insanların acınacaqlı həyat şəraitindən bəhs edilir, erməni əhalisinin yoxsulluq həddindən aşağı səviyyədə yaşamasına dair məlumat verilir. Səfərin iştirakçılarından biri Kurt Vayqand bildirib ki, əhalini bu cür qeyri-insani şəraitdə yaşamasını və dövlətin öz vətəndaşlarının qayğısına qalmamasını anlaya bilmir. Briqqe Abele adlı ziyarətçi isə İrəvan merinin yerinə xəcalət çəkdiyini bildirib. Qeyd edilir ki, bu yerlərdə 1988-ci ildən heç nə dəyişməyib.  Ermənistanın əksər qəsəbə və kəndlərində təsərrüfatda  yalnız qadın və uşaqların işlədiyini görmək olar. Bunun səbəbi isə kişilərin ailələrini tərk edib xaricə getməsidir.  Yerdə qalanlar da səfil həyat tərzinə artıq alışıblar.

Ramal Məmişov

NTVxəbər

Twitter

• < Geri
• İrəli >