Çap
шаблон интернет магазина joomla
Бесплатные шаблоны Joomla

Payız Kənd Mərkəzi istifadəyə verilib

Naxcivantv.az xəbər verir ki, sentyabrın 15-də Payızda yeni kənd mərkəzinin açılışı olub.

Naxçıvan Muxtar Respublikası Ali Məclisinin Sədri Vasif Talıbov açılışı bildirən lenti kəsib.

Bildirilib ki, iki mərtəbədən ibarət olan kənd mərkəzində inzibati ərazi dairəsi üzrə nümayəndəlik, bələdiyyə, rabitə evi, polis və baytarlıq məntəqələri, kitabxana, statistika otağı, Yeni Azərbaycan Partiyası ərazi ilk təşkilatı və 44 yerlik zal yerləşir. Mərkəzdə yerləşən iş otaqları zəruri mebel dəstləri və avadanlıqlarla təchiz olunub.

Kitabxanada 7856 ədəbiyyat vardır. Kitabxanaların fəaliyyətinin gücləndirilməsi və kitabxana-oxucu əlaqələrinin səmərəli qurulması ilə bağlı tapşırıqlar verilib.

Baytarlıq məntəqəsi Payız və Gülşənabad kəndlərinə xidmət edir. Məntəqə üçün ayrılan otaq müvafiq dərman preparatları və soyuducu ilə təmin edilib.

Yeni Azərbaycan Partiyası Payız kənd ərazi ilk təşkilatının 140 üzvü vardır. Onlardan 50-si gənc, 26-sı isə qadındır.

Kəndlərdə aparılan kompleks quruculuq işləri zamanı yeni tibb ocaqlarının tikilməsi və müasir avadanlıqlarla təminatı kənd sakinlərinə göstərilən səhiyyə xidmətinin səviyyəsini yüksəldir. Feldşer-mama məntəqəsi 3 otaqdan ibarətdir. Burada lazımi şərait yaradılıb, tibbi avadanlıqlar və dərman vasitələri qoyulub.

Kənd mərkəzi istilik sistemi ilə təchiz edilib, həyətdə abadlıq işləri aparılıb.

View the embedded image gallery online at:
http://naxcivantv.az/index.php/news/5841-pay%C4%B1z-k%C9%99nd-m%C9%99rk%C9%99zi-istifad%C9%99y%C9%99-verilib.html?tmpl=component&print=1&layout=default&page=#sigProId611505bf3b

www.naxcivantv.az