Yeni Azərbaycan Partiyası Sədərək Rayon Təşkilatının XI  konfransı keçirilib.

Konfransıda Yeni Azərbaycan Partiyası Sədərək Rayon Təşkilatının sədri, Naxçıvan Muxtar Respublikası Ali Məclisinin deputatı Arif Qasımov YAP-sı Naxçıvan Muxtar Respublikası Təşkilatının Əsasnaməsinə uyğun olaraq  Muxtar Respublika təşkilatının əhatə etdiyi ərazi ilk partiya təşkilatlarında hesabat seçki yığıncaqları və konfransların keçirildiyini deyib.

Qeyd olunub ki, Yeni Azərbaycan Partiyası Naxçıvan Muxtar Respublika Təşkilatı sədrinin müvafiq sərəncamına əsasən YAP Sədərək Rayon Təşkilatının 21 ərazi ilk partiya təşkilatında hesabat seçki yığıncaqları keçirilmiş, YAP Sədərək rayon Təşkilatını əhatə edən 21 ərazi ilk partiya təşkilatında 1470 partiya üzvündən partiyanın 11-ci konfransına 80 nəfər nümayəndə seçilmişdir.

Hesabat məruzəsi ilə çıxış edən Arif Qasımov rayon təşkilatının yaranma tarixindən danışaraq qeyd edib ki, Yeni Azərbaycan Partiyası   Sədərək Rayon Təşkilatı 1992-ci ildə təsis edilib. Təşkilat yarandıqdan bu günə kimi partiya sıralarına 1470 nəfər qəbul edilib. Bunlardan 269 nəfərini qadınlar, 370 nəfərini isə gənclər təşkil edir. Vurğulanıb ki, hesabat dövründə partiya sıralarına 142 nəfər qəbul edilib ki, onlardan 108 nəfərini gənclər, 30 nəfərini isə qadınlar təşkil edir.

Məruzə ətrafında Yeni Azərbaycan Partiyası  Sədərək kənd ərazi ilk partiya təşkilatının sədr müavini Gülnarə Hüseynova, Yeni Azərbaycan Partiyası  Sədərək kənd ərazi ilk partiya təşkilatının sədri Ceyhun Əlizadə, Gənclər Birliyinin üzvü Polad Rzazadə, Qadınlar Şurasının sədri Vüsalə Əliyeva, YAP Sədərək Rayon Təşkilatı idarə heyətinin üzvü, Sədərək Rayon İcra Hakimiyyətinin başçısı Həbib İbrahimov və YAP Naxçıvan Muxtar Respublika Təşkilatının idarə heyətinin üzvü, Naxçıvan Muxtar Respublikası Ali Məclisinin Sədri yanında Gənclər Fondunun icraçı direktoru Məmməd Babayev çıxış edərək bildiriblər ki, xalqımızın və dövlətimizin taleyinin həll olunduğu bir zamanda meydana çıxan Yeni Azərbaycan Partiyası Azərbaycan dövlətinin inkişafı üçün son dərəcə əhəmiyyətli və yeni tarixi mərhələnin əsasını qoyub. Tarixi zərurətdən yaranmış Yeni Azərbaycan Partiyası bu gün Heydər Əliyev dövlətçilik və idarəçilik məktəbinin layiqli yetirməsi, ölkə Prezidenti İlham Əliyevin sədrliyi ilə müasir dövrün tələblərinə uyğun şəkildə inkişaf edir, dövlətin daxili və xarici siyasətinin uğurla həyata keçirilməsində böyük rol oynayır.

Daha sonra konfransda təşkilati məsələlərə baxılıb. Yeni Azərbaycan Partiyası Sədərək Rayon Təşkilatının 23 nəfərdən ibarət siyasi şurasının, 12 nəfərdən ibarət idarə heyətinin, qadınlar şurasının, gənclər birliyinin və nəzarət-təftiş qrupunun üzvləri seçilib. Naxçıvan Muxtar Respublikası Ali Məclisinin deputatı Arif Qasımov isə yenidən Yeni Azərbaycan Partiyası Sədərək Rayon Təşkilatına sədr seçilib. 

Vüsal Muradov

NTV xəbər

Twitter

• < Geri
• İrəli >