Muxtar respublikanın yaşayış məntəqələrində yeni içməli su və kanalizasiya sistemlərinin qurulması, əhalinin ekoloji cəhətdən təmiz və dayanıqlı içməli su ilə təminatı diqqətdə saxlanılır.

Bu sahədə görülən işlərin davamı olaraq Babək rayonunun Şəkərabad kəndində də içməli su və kanalizasiya şəbəkəsi qurulub.

NUHÇIXAN xəbər verir ki, iyunun 29-da Şəkərabad kəndində içməli su və kanalizasiya şəbəkəsi istifadəyə verilib.

Naxçıvan Muxtar Respublikası Ali Məclisinin Sədri Vasif Talıbov bu münasibətlə keçirilən tədbirdə iştirak edib.

Naxçıvan Muxtar Respublikası Dövlət Meliorasiya və Su Təsərrüfatı Komitəsinin sədri Əsgər Əsgərov məlumat verib ki, Şəkərabad kəndində içməli su və kanalizasiya şəbəkəsinin tikintisi “Su Təchizatı və Kanalizasiya İnvestisiya Proqramı layihə-3” üzrə həyata keçirilib. Kənddə müxtəlif diametrli borularla 16,4 kilometr içməli su xətti çəkilib, 576 evə su verilərək sayğac quraşdırılıb, sakinlər fasiləsiz və keyfiyyətli içməli su ilə təmin olunublar. Su şəbəkəsinin üzərində 3 yanğın hidrantı və 3 suboşaldıcı qoyulub. Su Babək qəsəbəsinə gələn ana xətdən götürülərək natrium hipoxloridlə dezinfeksiya olunur və daxili supaylayıcı şəbəkəyə verilir. Şəkərabad kəndində müxtəlif diametrli borularla 15,1 kilometr kanalizasiya xətti də çəkilib, bütün mənzillər şəbəkəyə qoşulub. Aparılan tikinti işləri Şəkərabad kəndini, həmçinin, hava limanını, yaxınlıqdakı hərbi hissəni və müəssisələri də əhatə edir.

Naxçıvan Muxtar Respublikası Ali Məclisinin Sədri Vasif Talıbov Şəkərabad kəndində içməli su və kanalizasiya sistemlərinin istifadəyə verilməsi münasibətilə sakinləri təbrik edib, bu işdə əməyi olanlara təşəkkürünü bildirərək deyib: Su və kanalizasiya sistemlərinin qurulması Şəkərabad kəndinin statusunu artırmış, onu şəhərtipli qəsəbəyə çevirmişdir. Şəkərabad kəndi Babək rayonunun ərazisi olduğu üçün Naxçıvan şəhərinin su və kanalizasiya sistemlərinin yenidən qurulması layihəsinə daxil edilməmişdi. Lakin Naxçıvan şəhərində su və kanalizasiya sistemlərinin yenidən qurulması layihəsi uğurla başa çatdıqdan sonra, əldə olunan qənaət hesabına Şəkərabad kəndinin içməli su və kanalizasiya sistemlərinin qurulması layihəsi də təklif olundu. Layihə ölkəmizin aid qurumları və Asiya İnkişaf Bankı tərəfindən qəbul olunduqdan sonra bu ilin əvvəlindən tikinti işlərinə başlandı və uğurla başa çatdırıldı.

Ali Məclisin Sədri deyib: Su və kanalizasiya sistemləri təmizlik və sağlamlıq deməkdir. Bu gün Şəkərabad kəndində içməli su və kanalizasiya sistemlərinin istifadəyə verilməsi ilə yaxınlıqdakı hərbi hissə və Naxçıvan Beynəlxalq Hava Limanı da daxil olmaqla 5 minə yaxın insan təmiz içməli su ilə təmin olunur, gigyenik qaydalar qorunur. Bütün bunlar isə Şəkərabad kəndində insanların rahat yaşayışına və sağlamlıqlarının qorunmasına hesablanmış tədbirlərdir. Bu işlər o ölkədə həyata keçirilir ki, həmin ölkədə sabitlik, inkişaf və dövlət-xalq birliyi vardır. Ölkəmizdə həyata keçirilən düzgün siyasi xətt, mövcud sabitlik və iqtisadi inkişaf yaşayış məntəqələrində bu layihələrin uğurla həyata keçirilməsinə imkan verir.

Ali Məclisin Sədri yaradılan şəraitdən səmərəli istifadə olunacağına əminliyini bildirib, bir daha sakinləri təbrik edib.

Şəkərabad kənd sakini, ziyalı Sədaqət Mahmudov çıxış edərək deyib: Ümummilli liderimiz Heydər Əliyevin dövlətçilik ənənələrinin yaşadıldığı müstəqil Azərbaycanın bütün bölgələri kimi, Naxçıvan Muxtar Respublikasında da geniş quruculuq işləri aparılır. Təhsil, səhiyyə, mədəniyyət, iqtisadiyyat və digər sahələr inkişaf etdirilir. Naxçıvanın tarixi özünə qaytarılır, abidələri bərpa olunur.  Ulu Öndərimizin “Təhsil millətin gələciyidir” kəlamı Naxçıvanda uğurla reallaşdırılır. Fəxr edirik ki, yaşayış məntəqələrindəki ən hündür və yaraşıqlı binalar məktəb binalarıdır. Bütün bu işlər Şəkərabad kəndini də əhatə edib, müasir məktəb binası, kənd mərkəzi və xidmət sahələri istifadəyə verilib, kəndin girəcəyində Dövlət bayrağımız ucaldılıb, yeni meyvə bağı salınıb. Dayanıqlı elektrik, qaz və rabitə sistemi qurulub. Bu gün isə kənddə içməli su və kanalizasiya sistemi istifadəyə verilir. Bütün kənd sakinləri adından göstərilən qayğıya görə minnətdarlıq edir, qurulanları qoruyacağımıza söz veririk. Çünki yolumuz ölkə Prezidenti tərəfindən uğurla davam etdirilən Heydər Əliyev yoludur. Biz bu yola sadiqik.

Ali Məclisin Sədri Şəkərabad kəndinin içməli su və kanalizasiya şəbəkəsinin istifadəyə verilməsini bildirən qurğunu işə salıb.

Sonra Ali Məclisin Sədri sakinlərlə söhbəti davam etdirərək deyib ki, bu il Şəkərabadda kənddaxili avtomobil yolu da yenidən qurulacaq, asfalt örtük salınacaqdır. Sakinlər də aparılan abadlıq, quruculuq işlərində yaxından iştirak etməli, tikilənləri, qurulanları qorumalı, yaşıllıqların artırılmasına və torpaqların əkilməsinə diqqət yetirməlidirlər.

Digər rəsmi xəbərlər

Ali Məclisin Sədri Sərəncam imzaladı
Prezident Naxçıvanda xidmət edən hərbi qulluqçuları təltif etdi - SƏRƏNCAM
Prezident Naxçıvanda fəaliyyət göstərən dövlət qulluqçularını təltif etdi - SƏRƏNCAM
Naxçıvan şəhərində “Saat Meydanı” turistik istirahət mərkəzi fəaliyyətə başlayıb
Bu dövlət qurumlarında aylıq vəzifə maaşları artırıldı-YENİLƏNİB - SƏRƏNCAM
Ali Məclisin Sədri Dövlət Xidmətinə yeni rəis təyin etdi - FƏRMAN
Heydər Əliyev adına Hərbi Lisey kursantlarının buraxılış mərasimi keçirilib - FOTOLAR
Naxçıvanda Azərbaycan-Türkiyə birgə hərbi təlimləri keçirilib - FOTOLAR
Yeni istirahət parkı hərbçi ailələrinin rahatlığına xidmət edəcək - FOTOLAR
Zabit-gizir ailələri üçün yeni yaşayış binası istifadəyə verilib - FOTOLAR
Prezident Naxçıvanın səhiyyə işçilərini təltif etdi - SƏRƏNCAM
Naxçıvan Muxtar Respublikası Ali Məclisində görüş
“Duzdağ” Fizioterapiya Mərkəzinin 40 illik yubileyi münasibətilə təltiflərin təqdimatı olub - FOTOLAR
Ali Məclisin Sədri səhiyyə işçilərini təltif etdi - SƏRƏNCAM
Naxçıvanda iftar süfrəsi açılıb - FOTOLAR
Naxçıvan Muxtar Respublikası Ali Məclisində təltif və mükafatların təqdimatı olub - FOTOLAR
Ali Məclisin Sədri yaradıcılıq ittifaqları və birliklərinə vəsait ayırdı - SƏRƏNCAM
Ali Məclisin Sədri Sərəncam imzaladı
Elçin Əliyev Ali Məclisin şöbə müdiri təyin edildi - SƏRƏNCAM
Ali Məclisin Sədri Sərəncam imzaladı
Ali Məclisin Sədri Ordubadda açılışlar edib - FOTOLAR
Tapdıq Əliyev İqtisadiyyat naziri təyin edildi
Ali Məclisin Sədri Fərman imzaladı
Ali Məclisin Sədri Sərəncam imzaladı
Prezident Naxçıvanın incəsənət xadimlərini təltif etdi - SƏRƏNCAM
Geriyə
İrəli