Bu gün iqtisadi tərəqqi və davamlı sosial islahatlar müasir Azərbaycanın inkişaf modelinə çevrilmişdir. Ölkə Prezidenti cənab İlham Əliyevin rəhbərliyi ilə bütün sahələrdə dinamik inkişafa rəvac verilmiş, Azərbaycan qüdrətli dövlətə çevrilmişdir. Ölkəmizin iqtisadi siyasətinin başlıca istiqamətlərindən birini də regionların tarazlı inkişafı təşkil edir. Şəhər, rayon və kəndlər geniş quruculuq meydanına çevrilmişdir. Bu inkişaf Babək rayonunun da quruculuq xəritəsinin genişlənməsinə səbəb olmuş, rayonun Yarımca kəndində yeni sosial obyektlər tikilmişdir.

 


Yarımca kənd tam orta məktəbinin binası yenidən qurulmuşdur


Ölkəmizdə insan kapitalının formalaşdırılmasına hesablanan təhsil islahatları yeni mərhələyə yüksəlmişdir. Tikilən məktəblər gənclərin hərtərəfli hazırlanmasına imkan verir. Bu tədbirlər çərçivəsində Yarımca kənd tam orta məktəbi də əsaslı yenidən qurulmuşdur.
Aprelin 7-də Naxçıvan Muxtar Respublikası Ali Məclisinin Sədri Vasif Talıbov məktəb binasında yaradılan şəraitlə tanış olmuşdur.
Məlumat verilmişdir ki, 342 yerlik məktəb binasında şagird və müəllimlər üçün hərtərəfli şərait yaradılmış, maddi-texniki baza möhkəmləndirilmiş, 4-ü elektron lövhəli olmaqla, 19 sinif otağı, kimya-biologiya və fizika laboratoriyaları, hərbi kabinə, kompüter, müəllimlər və şahmat otaqları, kitabxana və idman zalı istifadəyə verilmişdir. Məktəbdə kitabxanaçılıq işinin müasir tələblərə uyğun təşkili təmin edilmiş, kitabxanaya 6 mindən çox ədəbiyyat və dərslik verilmişdir.
Məktəbin kompüter otağında 19 kompüter quraşdırılmış və internetə qoşulmuşdur. Elektron lövhəli siniflərdə distant və elektron dərslərin keçirilməsi üçün lazımi şərait yaradılmış, məktəb elektron dərsliklərlə təmin edilmişdir.
Baxış zamanı muxtar respublikanın 192 ümumtəhsil məktəbi ilə “Xan Sarayı” Dövlət Tarix-Memarlıq Muzeyi arasında əlaqə yaradılmış, “Naxçıvan xanlığının yaranması və tarixi əhəmiyyəti” mövzusunda distant dərs keçirilmişdir.
Məktəbin ayrı-ayrı sinif otaqlarında, fənn kabinələrində və laboratoriyalarında müasir tədris ləvazimatları qoyulmuş, məlumat stend¬ləri asılmışdır. Bu tədris ilində Yarımca kənd tam orta məktəbində 31 şagird birinci sinfə qəbul olunmuşdur.
Ali Məclisin Sədri dəqiq elmlərin tədrisində elektron dərsliklərdən istifadənin əhəmiyyətini qeyd etmiş, kimya, biologiya, fizika və ibtidai sinif müəllimlərinin hazırlığına diqqət yetirilməsinin vacibliyini bildirmişdir.
Bu gün gənclərin hərbi-vətənpərvərlik ruhunda böyüdülməsi vacib məsələdir. Uşaqların erkən yaşlardan ilkin hərbi biliklərə yiyələnməsi bu baxımdan mühüm əhəmiyyət kəsb edir. Muxtar respublikada gənc nəslin hərbi-vətənpərvərlik tərbiyəsinə xüsusi diqqət yetirilir, ümumtəhsil məktəblərində hərbi kabinələr yaradılır. Məlumat verilmişdir ki, Yarımca kənd tam orta məktəbində də çağırışaqədərki hərbi hazırlıq fənninə xüsusi maraq vardır. Bu il 6 şagird Heydər Əliyev adına Hərbi Liseyə sənəd verəcəkdir. Məktəbdə hərbi kabinənin lazımi əyani vasitələrlə təmin olunması işin daha mütəşəkkil təşkilinə imkan verəcəkdir.

Digər rəsmi xəbərlər

Naxçıvanda şəhidlər böyük ehtiramla qarşılanıb
Muxtar respublikanın torpaq və su ehtiyatlarından səmərəli istifadə edilir
Qarabürc kənd avtomobil yolu yenidən qurulub
Xidmət mərkəzində 3 sakin işlə təmin olunub
Qarabürc Kənd Mərkəzi fəaliyyətə başlayıb
Şərur rayonunun Qarabürc kəndi müasir yaşayış məntəqəsinə çevrilib
Elşad Əliyevə “Əməkdar dövlət qulluqçusu” fəxri adı verildi - SƏRƏNCAM
"Naxçıvan" Əlahiddə Əməliyyat Briqadasının Şərur Əməliyyat Taboru üçün yeni kompleks tikilib
Naxçıvanda “Arıçılıq məhsulları-bal festivalı” keçirilib
Naxçıvan Qarnizonu Mərkəzi Hospitalı üçün yeni kompleks inşa olunur
Ali Məclisin Sədri Sərəncam imzaladı
Ali Məclisin Sədri Sərəncam imzaladı
Əqil Mehdiyevin 100 illik yubileyi qeyd olunacaq - SƏRƏNCAM
Naxçıvanda Bilik Günü yeni məktəb binasının açılışı ilə qeyd olunub
Naxçıvanda yüksək bal toplayan məzunlarla görüş olub
Naxçıvanda Azərbaycan-Türkiyə birgə hərbi təlimləri keçirilib - YENİLƏNİB - VİDEO
Naxçıvan Muxtar Respublikası Ali Məclisində görüş
Naxçıvan Muxtar Respublikası Dövlət Energetika Xidmətinə yeni texnika və avadanlıqlar təqdim edilib
Ali Məclisin Sədri Sərəncam imzaladı
Meliorasiya və Su Təsərrüfatı Açıq Səhmdar Cəmiyyətinə yeni texnikalar təqdim olunub
Ali Məclisin Sədri Fərman imzaladı
"Naxçıvan" Əlahiddə Sərhəd Diviziyasının 8-ci sərhəd zastavası üçün yeni xidmət və yaşayış kompleksi istifadəyə verilib
Rafael Əliyev Naxçıvan Muxtar Respublikasının Maliyyə naziri təyin edildi - FƏRMAN
Ali Məclisin Sədri Sərəncam imzaladı
Naxçıvanda payız-qış mövsümünə hazırlıqla bağlı müşavirə keçirilib
Geriyə
İrəli